Անդրանիկ Քոչարյանի գլխավորությամբ՝ իշխանության նպատակն է փակել 44–օրյա պատերազմի էջը․ ընդդիմադիր (video)
Ըստ Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանի՝ իշխանությունը տպավորություն է ստեղծում, թե 44-օրյա պատերազմի հանգամանքներն ուսումնասիրող քննիչ հանձնաժողովի միջոցով հնարավոր է լինելու բացահայտել պատերազմի հանգամանքերն ու դրանում շահագրգռվածություն չի ցուցաբերում ընդդիմությունը։
«Եթե իշխանությունը նմանատիպ կամք ու ցանկություն ունենար, ապա դրա համար կային իրավապահ մարմիններ, որոնք պետության գլխավոր մարմիններն են, որ զբաղվում են բացահայտումներով», - լրագրողների հետ հանդիպմանն ասաց Աբրահամյանը։
Նրա խոսքով՝ կա շատ կարևոր հանգամանք, որը իշխանության տարբեր ներկայացուցիչներ փորձում են «սղացնել». օբյեկտիվության հանգամանքն է։
«Բոլորի համար ակնհայտ է, որ պատերազմի աղետալի հետևանքների պատասխանատուն ու գլխավոր մեղավորն իշխանությունն է, բայց հիմա նույն իշխանությունը ձևավորում է քննիչ հանձնաժողով ու ասում՝ «եկեք որոշենք մեր պատասխանատվության կամ մեղավորության աստիճանը». Ես, որ խոսում եմ օբյեկտիվության մասին, առաջին հերթին, դա նկատի ունեմ, այս պայմաններում սա ուղղակի իշխանության համար բեմադրություն է, որի գլխավոր նպատակն է փակել 44-օրյա պատերազմի էջը՝ նախապես նշանակելով մեղավորների, պատասխանատուների», - նշեց պատգամավոը։
Հետևեք մեզ Viber-ում
