Պուտինի և Բայդենի զրույցի մանրամասները
ԱՄՆ նախագահ Ջո Բայդենը Ռուսաստանի առաջնորդ Վլադիմիր Պուտինի հետ հեռախոսազրույցում քննարկել է Ուկրաինայի հետ սահմանին ռուսական ուժերի ենթադրյալ կուտակումը և ասել, որ Վաշինգտոնը պատրաստ է ինչպես Մոսկվայի հետ հետագա դիվանագիտական փոխգործակցության, այնպես էլ այլ սցենարների։ Այս մասին ասվում է Սպիտակ տան մամուլի ծառայության՝ շաբաթ օրը տարածած հայտարարության մեջ, հաղորդում է ՏԱՍՍ-ը։
Սպիտակ տան ղեկավարը զգուշացրել է, որ ԱՄՆ-ն վճռական և արագ պատասխան կտա Ռուսաստանի Դաշնությանը` Ուկրաինա «ներխուժելու» դեպքում։
Սպիտակ տունը հայտնել է, որ զրույցը տեւել է ավելի քան մեկ ժամ։
Մինչ Բայդենի հետ խոսելը Պուտինը զրուցել է Ֆրանսիայի նախագահ Էմանուել Մակրոնի եւ Բելառուսի նախագահ Ալեքսանդր Լուկաշենկոյի հետ։
Հետևեք մեզ Viber-ում
