Ռուսաստանը և Թուրքիան կարող են բախվել Ղարաբաղի պատճառով. Aftenposten
Aftenposten թերթի թղթակից Պեր Անդերս Յուհանսենը գրում է, որ Ղարաբաղում կարող է սկսվել նոր պատերազմ, որը կարող է հանգեցնել տարածաշրջանային տերությունների բախման: «Այդ հակամարտությունն արդեն 100 տարեկան է: Կողմերից մեկին աջակցում է Ռուսաստանը, մյուսին՝ Թուրքիան: Եթե պատերազմ բռնկվի, այն կարող է ավելի վտանգավոր դառնալ, քան կարելի է ենթադրել: Ներկայիս լարվածությունը կբերի Հայաստանում Ռուսաստանի ռազմական ներկայության ընդլայնման նոր փուլի և Ադրբեջանի ու ՆԱՏՕ-ի անդամ Թուրքիայի ռազմա-տեխնիկական համագործակցության խորացման»,- կարծիք է հայտնել նա: Ըստ նրա՝ ԼՂ հակամարտության շուրջ իրավիճակը սրում են Հայաստանի և Ադրբեջանի միջև սպառազինության մրցավազքը, ներքաղաքական խնդիրները և ընդհանուր տնտեսական մթնոլորտը տարածաշրջանում: