Երևանում բախվել են Toyota Land Cruiser Prado-ն, Volkswagen-ն ու ոստիկանական գազելը. ՖՈՏՈՌԵՊՈՐՏԱԺ
Երեկ՝ հուլիսի 11-ին խոշոր ու շղթայական ավտովթար է տեղի ունեցել Երևանում: Ժամը 23:30-ի սահմաններում Արամ Խաչատրյան փողոցի թիվ 25 շենքի դիմաց բախվել են Toyota Land Cruiser Prado մակնիշի 96 AՕ 777 համարանիշի, Volkswagen մակնիշի 33 ՏТ 630 համարանիշի և Ոստիկանական 805 II 01 համարանիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար զոհեր և վիրավորներ չկան: Դեպքի վայր են ժամանել ապահովագրական ընկերությունների ներկայացուցիչները: Այս պահին սպասում են, որպեսզի դեպքի վայր ժամանեն Երևանի ճանապարհային ոստիկանության ծառայողներն ու ՃՈ հետաքննիչը: Ոստիկանությունը պարզում է վարորդների ինքնությունը: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Գագիկ Շամշյանի