«Միսիան» ավարտված է. սպասենք նոր արհավիրքի

ՀՀ նախագահ Արմեն Սարգսյանը որոշեց հրաժարական տալ իր պաշտոնից։
«Ես շատ երկար եմ մտածել և որոշել եմ մոտ չորս տարի ակտիվ աշխատելուց հետո հրաժարական տալ Հանրապետության նախագահի պաշտոնից: Այդ որոշումը բացարձակապես էմոցիոնալ չէ և բխում է որոշակի տրամաբանությունից», գրել է Արմեն Սարգսյանը: Նա շեշտում է, որ նախագահը չունի անհրաժեշտ գործիքներ՝ երկրի և ազգի համար ներկայիս բարդ ժամանակներում ազդելու ներքին և արտաքին քաղաքականության արմատական գործընթացների վրա: «Մեր պետության համար այս բարդ փուլում, երբ անհրաժեշտ է համազգային միասնություն, նախագահական ինստիտուտը չպետք է դառնա բամբասանքների ու դավադրության տեսությունների թիրախ՝ դրանով իսկ շեղելով հասարակության ուշադրությունը կարևորագույն խնդիրներից», - նշում է Արմեն Սարգսյանը:

Նա նկատում է` կարող է հարց առաջանալ, թե ինչու հրաժարական չտվեց 2018-ի գարնանը` հեղափոխությունից հետո: «Պատասխանն ակնհայտ է՝ այն պատասխանատվության պատճառով, որը ես վերցրել էի ինձ վրա՝ ստանձնելով Հանրապետության նախագահի պաշտոնը: Ես պարտավոր էի անել ինձնից կախված ամեն ինչ՝ բացառելու ներքին պառակտման հետագա խորացումը, հնարավոր բախումները, որոնք կարող էին հանգեցնել չափազանց բացասական հետևանքների: Ես նաև ձգտում էի իմ երկարամյա աշխատանքի շնորհիվ ձեռք բերած հեղինակությունը, կապերը և իմ միջազգային քաղաքական ու տնտեսական ներուժը ծառայեցնել ուժեղ և կայուն պետականության կառուցմանը», - բացատրում է նախագահը:

Նա պնդում է` չի կարողացել ազդել այն քաղաքական իրադարձությունների վրա, որոնք երկրին հասցրել են ներկայիս ճգնաժամին, քանի որ համապատասխան գործիքների պակաս կա: Արմեն Սարգսյանը նշում է` ինքն առաջարկել է ոչ թե կառավարման մի ձևից մյուսին անցնելը, այլ՝ զսպումների և հակակշիռների վրա հիմնված պետական համակարգ ստեղծելը: Նա ուրախությամբ է արձանագրում, որ ստեղծվել է սահմանադրական փոփոխությունների հանձնաժողով, հույս է հայտնում, որ, ի վերջո, սահմանադրական փոփոխությունները տեղի կունենան, և հաջորդ նախագահն ու նախագահական ինստիտուտը կկարողանան աշխատել ավելի հավասարակշռված և համակարգված միջավայրում:

Բացի այդ, Արմեն Սարգսյանն ընդգծում է, որ իրականությունն այնպիսին է, որ «պետության գլուխը և երբեմն նաև նրա ընտանիքը թիրախավորվում են տարբեր քաղաքական խմբավորումների կողմից»: «Վերջիններս այնքան էլ հետաքրքրված չեն նախագահական ինստիտուտի կողմից ի շահ երկրի իրականացված ձեռքբերումներով, որքան իմ անցյալով, դավադրության զանազան տեսություններով ու միֆերով: Իմ անձի հանդեպ այդ «մտահոգվածությունը» դուրս է գալիս նաև բարոյականության սահմաններից՝ վերջնական արդյունքում ուղղակիորեն բացասաբար ազդելով առողջության վրա», - իր հայտարարության մեջ նկատում է նա:

Հիշեցնենք, որ Արմեն Սարգսյանը նախագահի պաշտոնում ընտրվեց Ազգային ժողովի կողմից 2018-ի մարտի 2-ին: Ապրիլի 9-ին ստանձնել է այդ պաշտոնը: Այս աշնանը իր հարցազրույցներից մեկում նա ասել էր, որ լինի նախագահական, թե խորհրդարանական, շատ կարևոր է կառավարման հավասարակշռումը: «Եթե մենք ամեն դեպքում Սահմանադրությունը փոխենք, ապա այն կսկսի աշխատել, երբ հաջորդ նախագահն ընտրվի: Եթե մենք նման որոշում կայացնենք և նոր Սահմանադրություն ընդունենք, ես պատրաստ եմ անմիջապես հրաժարական տալ, որպեսզի մարդկանց ցույց տամ, որ դա ինձ կամ իմ իշխանության համար չէ, այլ՝ նրա համար, որ մեր երկրի համար ավելի հեշտ և լավ լինի»:

Համաձայն Սահմանադրության` հանրապետության նախագահն իր հրաժարականը ներկայացնում է ԱԺ-ին: Հրաժարականը համարվում է ընդունված օրենքով սահմանված կարգով այն հրապարակելու պահից: Նախագահի պաշտոնանկության, լիազորությունների կատարման անհնարինության, հրաժարականի կամ մահվան դեպքերում մինչև նորընտիր նախագահի կողմից պաշտոնի ստանձնումը նրա լիազորությունները կատարում է Ազգային ժողովի նախագահը: Նախագահի պաշտոնանկության, լիազորությունների կատարման անհնարինության, հրաժարականի կամ մահվան դեպքերում նախագահի պաշտոնը թափուր մնալուց ոչ շուտ, քան քսանհինգ, և ոչ ուշ, քան երեսունհինգ օր հետո անցկացվում է նախագահի արտահերթ ընտրություն:

Բոլորի մոտ տրամաբանական հարց է առաջ գալիս՝ 4 տարի ակտիվ աշխատելուց հետո՞ միայն Արմեն Սարգսյանը հասկացավ, որ երկրում կարևոր փոփոխություններ կատարելու համար լծակներ առանձնապես չունի: Կամ՝ եթե Արմեն Սարգսյանն իսկապես ունեցել է ցանկություն ազդելու ներքին և արտաքին քաղաքականության արմատական գործընթացների վրա՝ նա տարբեր խնդիրների մասին կարող էր գոնե բարձրաձայնել, ներկայացնել իր դիրքորոշումը հասարակությանը, ոչ թե լռեր, իսկ երկրում խնդիրներն ավելի խորանային:

Բացի այդ, Արմեն Սարգսյանը մշտապես ծանր ու թեթև անող գործիչ է եղել, եթե նա հեռանում է, ուրեմն նա կանխազգում է նոր արհավիրքներ, որոնց կարող է Հայաստանը բախվել ու ճիշտ ժամանակին պարզապես դուրս է գալիս պատասխանատվության տակից: Սա նրա բնավորությանը բավական մոտիկ պահվածք է:

Իսկ ընդհանուր առմամբ՝ Արմեն Սարգսյանի հեռացումը կարող է բավական խորքային զարգացումների ազդակ լինել նաև ներքաղաքական կյանքում: Չի կարելի բացառել տարբերակը, որ այս հեռացումը Նիկոլ Փաշինյանի կողմից շանտաժի արդյունք է, քանի որ նա ցանկանում է տոտալ «մենիշխանություն» սահմանել երկրում և անգամ Արմեն Սարգսյանի նման թույլ լիազորություններով նախագահի կերպարը խանգարում է Փաշինյանին:

Այս տարբերակի դեպքում՝ կարելի է սպասել մի անդեմ կերպարի նախագահի պաշտոնում: Արդեն իսկ երեկվանից շրջանառվում են օրինակ՝ Արամ Զ. Սարգսյանի ու Էդմոն Մարուքյանի անունները:

Թե ում վրա կկանգնի Փաշինյանի ընտրությունը՝ կարևոր էլ չի: Մի բան է հստակ, որ Փաշինյանի իշխանությունն իրեն անպատիժ է զգում, ու գնում է իշխանության վերահսկողության էլ ավելի ուժեղացման, հետևաբար՝ իշխանության ամրապնդման:

Մետաքսյա Շալունց

դիտվել է 3638 անգամ
Լրահոս
Մի շտապեք ծաղրել կամ գոնե հիշեք, որ նույնը կատարվում է արդեն որերորդ տարին․․․ «Կա մի հանգամանք, որը Նիկոլի պատմական մեկնաբանության մեջ գիտակցված ու դիտավորյալ շրջանցվում է»․ Արմեն Հովասափյան «Պարգևավճարների, ֆեստիվառների համար փող կա, սողանքի գոտում գտնվող տների վթարայնության աստիճանը ճշտելու համար՝ չկա»․ Ոսկան Սարգսյան «Նիկոլի հետ հանրաքվեի գնալը նույնն է, որ գայլը ոչխարին հրավիրի իր տուն ընթրիքի»․ Ռուբեն Մխիթարյան Ասեմ՝ Մոսկվայում մեծ վեճ է լինելու Պուտինի և Փաշինյանի միջև․ սպասե՛ք․․․ Հարութ Սասունյան (video) «Հերթական աշունն է, երբ փոթորկվում են ուսուցիչները»․ Սոֆյա Հովսեփյան Կոռուպցիա Դատախազությունում և Հակակոռուպցիոն կոմիտեում. Փաստաբանն ահազանգում է (video) Երևանում կայանված երկու ավտոմեքենա է այրվել․ «Opel Zafira»-ն մոխրացել է «Զինվորականի պատիվը խայտառակ անողները դարձել են բանակի դեմքն ու հրաման տվողները»․ Աբրահամյան Տվե՛ք ոչ մարտական պայմաններում մահացության դեպքերի ՊՆ վիճակագրությունը կամ հերքեք դատախազությանը (video) Ուսուցիչների որքա՞ն թափուր հաստիք կա դպրոցներում Արշակունյաց պողոտայում մեքենայից գողացել են 1,5 մլն դրամ և մոնիտոր. Ես ձեռքերս լվանում եմ. Մոուրինյուն հեռացել է մամուլի ասուլիսից Գարեգին Նժդեհի հրապարակում բախվել են «BMW X5»-ը, «Mercedes»-ները և 2 տրոլեյբուս․ կան վիրավորներ Ռուբիոն անգնահատելի է համարել Մխիթարյա՞ն, թե՞ Սուչիչ. Կիվուն ընտրության առաջ է Ատալանտայի հետ խաղից առաջ Հզոր փոթորիկը գրեթե ամբողջությամբ ավերել է քաղաքը «Խորհրդարանական ընդդիմությունը կարող է օգտվել առաջարկներից»․ Վահե Հովհաննիսյան Թրամփը՝ Պուտինի և Սի Ծինփինի հետ հանդիպման մասին «ԱԺ «աքսորված» Արայիկ Հարությունյանը պատմության կեղծման փուլը տարածել է սպորտի վրա»․ Սուրեն Սուրենյանց Թրամփը հայտարարել է, որ պատրաստ չէ Արթիկի ՔԿՀ-ում դատապարտյալն իրարանցում է հրահրել «Ինչքան էլ փորձեք թաքցնել, ՀՀ-ում նոր սահմանադրության ընդունումը Ալիևի պահանջն է»․ Ոսկան Սարգսյան «Բաքվին պետք է, որ հայ ժողովուրդը Սահմանադրության հանրաքվեով կամավոր հրաժարվի իր Անկախության հռչակագրից»․ Գևորգ Գևորգյան Ովքե՞ր են իրոք բարերարներն ու չարագործները (video)
Ամենաընթերցվածները
Շուտով
Նոյեմբերի 20-ին՝ ժամը 11։00-ին, Հայելի ակումբի հյուրն է Նարե Սոսեն Նոյեմբերի 20-ին՝ ժամը 15։30-ին, Հայելի ակումբի հյուրն է Էլյանորա Մանադյանը Նոյեմբերի 20-ին՝ ժամը 13։00-ին, Հայելի ակումբի հյուրն է Վիգեն Հակոբյանը Նոյեմբերի 20-ին՝ ժամը 14։00-ին, Հայելի ակումբի հյուրն է Նարինե Դիլբարյանը Նոյեմբերի 19-ին՝ ժամը 16։00-ին, Հայելի ակումբի հյուրն է Ռուզաննա Ստեփանյանը Նոյեմբերի 19-ին՝ ժամը 12։00-ին, Հայելի ակումբի հյուրն է Աշոտ Անդրեասյանը Նոյեմբերի 19-ին՝ ժամը 14։30-ին, Հայելի ակումբի հյուրն է Էլյանորա Մանադյանը Նոյեմբերի 19-ին՝ ժամը 13։00-ին, Հայելի ակումբի հյուրն է Նաիրի Հոխիկյանը Նոյեմբերի 19-ին՝ ժամը 11։00-ին, Հայելի ակումբի հյուրն է Րաֆֆի Հովհաննիսյանը Նոյեմբերի 18-ին՝ ժամը 11։30-ին, Հայելի ակումբի հյուրն է Արմենուհի Կյուրեղյանը
Հետևեք մեզ Viber-ում https://cutt.ly/5wn8sJBS
Hayeli.am