«Ալեն Սիմոնյանին մարմնավաճառ անվանած մարդն այսօր նրան դիմում է՝ ԱԺ մեծարգո նախագահ». Ագնեսա Խամոյան (video)
«Հայաստան» դաշինքի պատգամավոր Ագնեսա Խամոյանն այսօր ԱԺ ամբիոնից հայտարարեց՝ թեեւ իշխանության շարքերում եւս լրագրող պատգամավորներ կան, սակայն նրանցից որեւէ մեկը չքննադատեց ՔՊ-ական պատգամավոր Վահագն Ալեքսանյանի՝ լրագրողներին «վերբալ մարմնավաճառներ» ասելու հայտարարությունը։
Խամոյանը հիշեցրեց, որ նախկինում, երբ այդ անձը ղեկավարում էր այլ կուսակցության «ֆեյքերի» ֆաբրիկան եւ տվյալ կուսակցության շարքերում էր, Ալեն Սիմոնյանին «մարմնավաճառ» էր անվանել, եւ, հետաքրքիր է՝ Ալեն Սիմոնյանը ներե՞լ է դա նրան։
Հիշեցնենք՝ երեկվանից մամուլում ու համացանցում քննարկվում է ՔՊ-ական պատգամավոր Վահագն Ալեքսանյանի՝ «նրանք լրագրողներ չեն, նրանք վերբալ մարմնավաճառներ են» արտահայտությունը:
«Մարդ, ով տարիներ առաջ, երբ ղեկավարում էր կուսակցություններից մեկի ֆեյք-ֆաբրիկան, մարմնավաճառ ձևակերպումը տվել էր Ալեն Սիմոնյանին, ասել էր, որ հավերժ է: Մարդը, ով իր այդ որակումից հետո այս ամբիոնից Ալեն Սիմոնյանին ասում է՝ ԱԺ մեծարգո նախագահ, այդ մարդը խոսում է բարոյականությունից»,- հավելեց Խամոյանը:
Հետևեք մեզ Viber-ում
