SilkWay Airlines-ը պատկանում է Ալիևի ընտանիքին. Business New Europe
Business New Europe եվրոպական առցանց պարբերականը անդրադարձել է բուլղարական Anonymous խմբի կողմից գաղտնազերծված փաստաթղթերի հիման վրա լրագրող Դիլյանա Գայտանժիևայի հետաքննությանը, որտեղ բուլղարացի լրագրողը աղմկոտ փաստեր է հրապարակել ադրբեջանական SilkWay Airlines ավիաընկերության վերաբերյալ: Ինչպես նշվում է BNE IntelliNews-ի հրապարակման մեջ, առանց Օդային տրանսպորտի միջազգային ասոցիացիայի համապատասխան թույլտվության, միջազգային իրավունքի խախտմամբ, ադրբեջանական SilkWay Airlines միլիարդավոր դոլարների ռազմամթերք է տեղափոխել տարբեր երկրներ: Որոշ դեպքերում այդ զենքերը այնուհետև հայտնվել են ահաբեկչական խմբավորումների ձեռքում և դարձել միջազգային հանցագործությունների գործիք: