«Գուդվին»-ի աշխատակցի սպանության մեջ կասկածվողին հայտնաբերել են Օրենբուրգում

«Գուդվին» բուքմեյքերական գրասենյակի աշխատակցի սպանության մեջ կասկածվող 32-ամյա Կարեն Շահինյանին ռուս իրավապահները հայտնաբերել են Օրենբուրգում:  Այս մասին գրում է «Ռիա Նովոստի» գործակալությունը: Հայ և ռուս իրավապահ մարմինների աշխատակիցների համագործակցության արդյունքում նրան հայտնաբերել ու ձերբակալել են Բուզուլուկ քաղաքում: «Այժմ քննարկվում է Շահինյանի էքստրադիցիայի հարցը»,-գրում է  լրատվամիջոցը: Հիշեցնենք, որ նախորրդ տարվա դեկտեմբերի 24-ին, Երևանի Շենգավիթ վարչական շրջանում՝  Մայիսի 9  փողոցում գործող «Գուդ վին» բուքմեյքերական գրասենյակում տեղի էր ունեցել սպանություն:  Դեպքի վայրում հայտնաբերվել է նշված գրասենյակի աշխատակից Ա.Նազարյանի դին՝ կտրած-ծակած բազմաթիվ վնասվածքներով։