Հայտնի է 2018 թվականի G20-ի գագաթնաժողովի անցկացման վայրը
2019 թվականին G20-ի գագաթնաժողովն առաջին անգամ կանցկացվի Ճապոնիայում, իսկ 2020-ին հանդիպումը տեղի կունենա Սաուդյան Արաբիայում: Այդ մասին տեղեկացրել է NHK հեռուստաընկերությունը, վկայակոչելով ճապոնական պատվիրակությունում իր աղբյուրը: Ամփոփիչ հռչակագրում, որը, ինչպես ակնկալվում է, մամուլի ասուլիսում ընթերցելու է Գերմանիայի կանցլեր Անգելա Մերկելը, նշված կլինեն այն երկրները, որտեղ անցկացվելու են G20-ի գագաթնաժողովները հետագա տարիներին: Մեծ քսանյակի կազմում ընդգրկված են՝ Արգենտինան, Ավստրալիան, Բրազիլիան, Մեծ Բրիտանիան, Գերմանիան, ԵՄ-ն, Հնդկաստանը, Ինդոնեզիան, Իտալիան, Կանադան, Չինաստանը, Մեքսիկան, Ռուսաստանը, Սաուդյան Արաբիան, ԱՄՆ-ը, Թուրքիան, Ֆրանսիան, ՀԱՀ-ը, Հարավային Կորեան և Ճապոնիան: G20-ի երկրներին է բաժին ընկնում համաշխարհային ՀՆԱ-ի 85 տոկոսը և առևտրի 80 տոկոսը: Առաջնորդների հաջորդ հանդիպումը տեղի կունենա 2018-ին՝ Արգենտինայի մայրաքաղաք Բուենոս Այրեսում:
Հետևեք մեզ Viber-ում
