Ալիևը հայտարարել է Հադրութում կոմանդոս բրիգադի տեղակայման մասին

Ադրբեջանի նախագահ Իլհամ Ալիևը դեկտեմբերի 24-ին այցելել է Արցախի՝ 44-օրյա պատերազմի արդյունքներով Բաքվի վերահսկողության տակ անցած Հադրութ:

Ինչպես գրում է minval.az-ը, Ալիևը մանրամասնել է, որ նորաբաց զորամասում տեղակայված են նոր զինվորական կազմավորման ներկայացուցիչները՝ կոմանդոս բրիգադը:

Ադրբեջանի նախագահի մամուլի ծառայության հաղորդմամբ՝ Ալիևը նշել է, որ «պատերազմից հետո Ադրբեջանը չի դադարեցրել բանակաշինությունը և չի կրճատել բանակի ծախսերը, այլ, հակառակը, ավելացրել է»։