«Իմ քայլի» ուղուց ՔՊ–ն է շեղվել՝ ազատվելով նրանցից, ովքեր եղել են հեղափոխության շարժիչը. Աբգարյան (video)
Դուք շատ մեծ սխալ եք անում, որովհետև դուք այստեղ ոչ թե քաղաքապետին եք վատություն անում և հեռացնում, այս որոշմամբ դուք հեռացնում եք երևանցիներին որոշում կայացնելու հնարավորությունից, Երևանի ավագանու արտահերթ նիստում հայտարարեց ավագանու անդամ Իզաբելլա Աբգարյանը։
«Բոլոր հարցումները ցույց են տալիս, որ երևանցին նման հանրային պահանջ չի ձևակերպել», - հայտարարեց Իզաբելլա Աբգարյանը։
Նրա խոսքով՝ քաղաքապետին անստահություն հայտնելու մասին «Իմ քայլը» խմբակցության առաջ քաշած որևէ կետի հետ երևանցին համաձայնություն չի հայտնել, այլապես դուրս կգար փողոց և կասեր. «Հայկ Մարության, հեռացիր, եթե այլևս մեր սրտի վարչապետի հետ չես»։
«Հայկ Մարությանը քաղաքական ուղուց չի շեղվել։ «Իմ քայլի» ուղուց շեղվել է «Քաղաքացիական պայմանագիր» կուսակցությունը՝ հետևողականորեն ազատվելով այն մարդկանցից, որոնք եղել են հեղափոխության շարժիչ ուժը։ Փողոցներում իրենց կյանքը վտանգողներին և մեքենայի տակ պառկողներին փոխարինել են այսօր Սերժ Սարգսյանի, Ռոբերտ Քոչարյանի սեղանների խինկալիների պոչերով, որոնք հայտարարել են, որ հիմա էլ իրենք ՔՊ-ական են։ Դա՞ է քաղաքական գիծը։ Հայկ Մարությանն ընդամենը դարձել է անկուսակցական, նա չի լքել քաղաքը դժվար պահին։ Եկեք ուրանալուց և ապերախտ լինելուց չխոսենք, որովհետև ես այդ մասով ձեզ շատ բան ունեմ ասելու», - հայտարարեց Իզաբելլա Աբգարյանը։
Հետևեք մեզ Viber-ում
