Մուրճը սեփական գլխին տալու ժամանակը

Նիկոլ Փաշինյանն այլեւս Հայաստանը դարձրել է բռնապետություն, այն, ինչ կատարվում է մեզանում, կնախանձի անգամ Հյուսիսային կորեայի բռնակալ առաջնորդը: Կարելի էր պատկերացնել, թե Սերժ Սարգսյանի իշխանության ժամանակ եթե ասենք Էդուարդ Շարմազանովը, Աշոտյանը, Շմայսը, կամ մեկ ուրիշը, եթե նույն Նիկոլի օգնականին կանչեր իր մոտ ու ծեծի ենթարկեր, ինչ վայնասուն կբարձրանար երկրում, ինչքան բարձր կահազանգեին գրանտալափով ապրող իբր իրավապաշտպան կազմակերպությունները, Հայաստանում հավատարմագրված դեսպանները եւ առհասարակ երբեմնի ժողովրդավարության ջատագովները: Մմեզանում բոլորիս աչքի առաջ Փաշինյանը ավերում, քանդուքարափ է անում գրեթե բոլոր ինստիտուտները, սակայն երկիրը ծախած գրանտակեր հանրույթը լեզուն ջուր է առել եւ ազգադավ դիտորդի կարգավիճակում փառավարվում է մարդակեր վայրենու բարբարոսություններից: Իսկ ՏԻՄ-երում Փաշինյանը ռեպրեսիանների աննախադեպ դոզա է կիրառում: Մեկ ամսից ավել է լսում ենք, որ ամենակեղտոտ մեթոդներով ճնշում են ձերբակալում ընդդիմադիր թեկնածուներին, որպեսզի համայնքներում ՔՊ-ականները տիրեն իշխանությանը, համայնքներում աշխատում են քրեական տարրեր, ահուսարսափի մթնոլորտ է ձեւավորված:
Որտեղ էլ որ չեն կարողանում ճնշել, փորձում են օրենքի հնարավորություններից օգտվել ու գնալ նոր ընտրությունների, ինչպես արեցին Վեդիում, ճնշումները, ծեծուջարդն արդյունք չտալուց հետո ՔՊ-ն եւ Հանրապետությունը վայր դրեցին մանդատները՝ չափսոսալով պետական միջոցները, որոնք պետք է վատնվեն նոր ընտրությունների ժամանակ: Նրանց գերխնդիրը Վեդիի համայնքի ղեկավարի պաշտոնը նվաճելն է եւ ամեն գնով փորձելու են հասնել դրան:
Իսկ Թալինում շաբաթների աշխատանքները տվեց իր արդյունքը: Հիշեցնենք, որ ՔՊ թեկնածուին` Տավրոս Սափեյանին, ընտրությունների արդյունքում չէր հաջողվել 50+1 հավաքել, մասնակից 3 ուժերը կոալիցիա կազմեցին եւ «Հայք»-ի թեկնածու Կարեն Գրիգորյանին որոշեցին քաղաքապետ ընտրել։ Իշխանությունը Թալին էր գործուղել Ռուստամ Ստեփանյանին՝ Չաղ Ռուստամին, նախ նրան էին «ասֆալտին փռեց», ապա գործողել Թալինի իր բարեկամին համոզելու, որ եթե չզիջես, ինձ կնստեցնեն կամ կարտահանձնեն ՌԴ իրավապահներին: Կարեն Գրիգորյանը օրերս թիմի անունից ինքնաբացարկի մասին հայտարարեց: Հետո իշխանությունը հասկացավ, որ դա հարցի լուծում չէ, ուստի Գրիգորյանին ստիպեցին վերցնել մանդատն ու քվեարկել Տավրոս Սսափեյանի օգտին։ Ավագանու դեկտեմբերի 17-ի նիստից առաջ իշխանությունը Թալին էր գործուղել հարյուրավոր կարմիրբերետավորների, հոգեբանական տեռորի մթնոլորտ ստեղծել:
Կարեն Գրիգորյանի ձայնն էլ ճակատագրական դարձավ, ընտրելուց առաջ նա Տավրոս Սափեյանին ասաց, որ ինքն էլ գիտի, որ քաղաքապետ չի ընտրվել եւ իր ձայնը տալիս է ինչ-որ մեկի <<խաթր>>, Տավրոսը գիտի՝ ում:
Ակնհայտ է, որ Փաշինյանը գնում է բեսպրեդելի ճանապարհով , իսկ նման վակումը մի օր իր դեմ է պայթելու ու սեփական պողպատե մանդատն իր գլխին է իջնելու:

Անի Սահակյան