Դանակ քաշող, կանանց վիրավորող , ջանուղուրբան Պն նախարարը

Մայր բուհի դեմ շուրջ երեք տարի տեւած իշխանական տեռորը տվեց իր արդյունքը: Երեկ ԵՊՀ-ում զոռով-շառով, իրավական արգելքները հաշվի չառնելով ընտրեցին ռեկտոր:
Բուհի ռեկտորի պաշտոնը թափուր էր 2019 թվականից ի վեր: Փաշինյանի անմիջական ցուցումով հեղափոխությունից հետո բողոքի ակցիաներ իրականացվեցին, Փաշինյանն իր խունվեյբեների՝ հեղափոխության պահապաններ կոչվող խմբակին գործուղեց ԵՊՀ՝ բուհը շուրջ 13 տարի ղեկավարած Արամ Սիմոնյանի հեռացման պահանջով։ Ի վերջո, 2019 թվականի մայիսին Սիմոնյանը հրաժարական տվեց, ինչից շատ չանցած Սիմոնյանին մեղադրանք առաջադրվեց առերևույթ չարաշահումների համար։ Սիմոնյանի հրաժարականից շատ չանցած ԵՊՀ ռեկտորի ժամանակավոր պաշտոնակատար ընտրվեց համալսարանի գիտական քաղաքականության և միջազգային համագործակցության գծով նախկին պրոռեկտոր Գեղամ Գևորգյանը։ Նա այս պաշտոնում մնաց շուրջ 2 տարի՝ մինչև այս տարվա ապրիլ։ Բայց քանի որ վերջինս չարդարացրեց իշխանության ակնկալիքները, Փաշինյանը ԵՊՀ գործուղեց իմքայական նախկին պատգամավոր Հովհաննես Հովհաննիսյանին։ 2 ժամից ավելի տևած փակ նիստում հոգաբարձուների խորհուրդը 5 տարի ժամկետով հենց նրան ընտրեց ռեկտոր ։ Հովհաննիսյանին դեմ են քվեարկել հոգաբարձուների խորհրդի անդամ ուսանողները: Մինչ ԵՊՀ գիտխորհրդի դահլիճում հոգաբարձուների խորհուրդը ռեկտոր էր ընտրում, մի խումբ երիտասարդ դաշնակցականներ միջանցքում բողոքի ակցիա էին իրականացնում՝ պահանջելով բուհը չքաղաքականացնել ԵՊՀ ռեկտորի միակ թեկնածուի ընտրությամբ, նաև՝ հոգաբարձուների խորհրդի այսպիսի կազմով։ Բանն այն է, որ Փաշինյանի իշխանության թեթեւ ձեռամբ 20 անդամից բաղկացած ԵՊՀ հոգաբարձուների նոր խորհուրդը ձևավորվեց հոկտեմբերի 28-ին։ Նախագահ ընտրվեց այն ժամանակվա փոխվարչապետ, բոլորովին վերջերս պաշտպանության նախարար նշանակված Սուրեն Պապիկյանը, իսկ քարտուղար՝ Մարդու իրավունքների եվրոպական դատարանում ՀՀ ներկայացուցիչ Եղիշե Կիրակոսյանը։
2018թ.-ին բուհերի քաղաքականացված լինելը քննադատող Նիկոլ Փաշինյանի կառավարությունը ընդունել է որոշում, համաձայն որի՝ Երևանի պետական համալսարանի հոգաբարձուների խորհրդի անդամների թիվը 32-ից դարձավ 20, իսկ Կառավարության համամասնությունը խորհրդում 50%-ից դարձավ 65%, իսկ սա նշանակում է՝ ամեն բան որոշելու է կառավարությունը: Այսինքն Փաշինյանը սովորության համաձայն դրժեց հերթական խոստումը, որը խոստացել էր հեղափոխությունից առաջ: Ռեկտորի ընտրության հանդիսավոր արարողությունը իր ներկայությամբ պատվել է ՊՆ ղեկավար Սուրեն Պապիկյանը, որը Մայր բուհ է գնացել անվտանգության տասնյակ աշխատակիցների ուղեկցությամբ եւ ինքնագոհ աջուձախ կոպտել է իրեն հարցեր ուղղած լրագրողներին, վիրավորել նրանց, կասկածի տակ դրել ոմանց լրագրող լինելու հանգամանքը: Թե ինչի վրա է նորաթուխ նախարարն այսքան գոհ, դժվար է հասկանալ, միգուցե նրա, որ նախարար նշանակվելու հենց հաջորդ օրը ադրբեջանը մեկօրյա պատերամ սանձազերծեց Սյունիքում, որի հետեւանքով ունեցանք զոհեր, մի քանի տասնյակ գերիներ, գոհ է, որ ադրբեջանը պաշտոնական տվյալներով 41 կմ տարածք մխրճվել է ՀՀ սուվերեն տարածք, գոհ է, բանակն ավերված է, սահմաններն անմխիթար, որ Զանգեզուրով միջացք ենք տալու, ինքն էլ օպերատիվ կապի մեջ է ադրբեջանցի իր պաշտոնակցի հետ, գոհ է, որ ադրբեջանական գերությունից Հայաստան վերադարձած մեր տղաներին այստեղ դատում են, քանզի նրանք կռվել պայքարել են հանուն հայրենիքի, իր պես բանակում դանակ չեն քաշել հրամանատարի վրա ու հետո Քաջ Նազարի բախտով թառել նախարարի պաշտոնում:

Անի Սահակյան