«Մեկ էլ եթերում տեսնում ես, որ 100 հոգի մտել են 2 հոգու անկողնու մեջ ու...». Նիկոլ Փաշինյան

ԱԺ-ում  «Ելք» խմբակցության ղեկավար Նիկոլ Փաշինյանը՝ ընդգծելով, որ ազգային ողբերգություն է, երբ մարդը չի գիտակցում, որ չի կարելի գալ ու եթերում պատմել ընտանիքիդ անդամների հետ քո ունեցած հարաբերությունների մասին հայտարարեց.«Ընտանիք, մարդկային հարաբերություններ հասկացությունները մեր հեռուստաեթերում շատ հաճախ տանում են նրան, որ մեկ էլ եթերում տեսնում ես, որ 100 հոգի մտել են 2 հոգու անկողնու մեջ ու սկսել են այնտեղ ինչ-որ վերլուծություններ անել, թե ինչ է տեղի ունենում այդ անկողնում:Հանրությունն էլ բերանը բաց լսում է, թե ով ում «քրֆեց», քանի՞ անգամ, ո՞նց։ Սա մարդկանց փոքրացնում է»: «Մենք անընդհատ ասում ենք՝ տաքսու վարորդը` այսպես, երթուղայինի վարորդը` այնպես, բայց ըստ նրա՝ ամբողջ հանրապետությունը ծխախոտի ծխուկների շերտի տակ ծածկված է: Սա ի՞նչ խնդիր է. այստեղ կրթական ցենզի խնդիր կա։ Եթե մենք չենք կարողանում այդ մարդու կրթական ցենզը բարձրացնել այնքան, որ իր մեջ ռեֆլեքս առաջանա, որ այս գործողությունն անել չի կարելի, դա անընդհատ լինելու է։ Այո, կարող ենք բյուջետային միջոցները շատացնել, ծխախոտ հավաքողի հազար հաստիք ավելացնել, բայց հարցը դրանով չի լուծվելու։ Այս խնդրի լուծման մեխանիզմը հեռուստա-ռադիո հեռարձակման որակն ու մակարդակն է»,-հայտարարեց նա: