«Կլյաուզնիկ» , աչքից սուրմա թռցնողները
«Հեղափոխությունից» առաջ էլ, հետո էլ իշխանություններին վճարովի ծառայություններ մատուցող սուտի ընդդիմադիրների պակաս չէր զգացվում, սակայն հեղափոխությունից հետո այս ինստիտուտն անասելի վերեք ապրեց:
Իշխանության հաճախորդաց հարամը բոլոր ժամանակներում անթաքույց կամ պաերով խաղ է տարել օրվա իշխանությունների հետ, աջակցել վճռական պահերին, իսկ հրապարակավ փորձել է պահել ընդդիմադիր իմիջը:
Այդպիսիններից է նաեւ Էդմոն Մարուքյանը՝ իր ինչպես Նարեկ Սսամսոնյանն է բնորոշել, իր <<Լուսահոգի Հայաստան>> կուսակցությամբ, Մարուքյանը սկզբում Սերժ Սարգսյանի հարեմում էր եւ հեղափոխության օրերին իրեն պատեպատ էր տալիս Նիկոլին Փողոցից տուն բերելու եւ Սերժ Սսարգսյանի իշխանությունը պահելու համար, հիմա էլ նույնն անում է Փաշինյանի համար: Եթե հեղափոխությունից հետո ինչ-որ առումով կարելի էր հասկանալ, որ մարդը փող է աշխատում ու ասենք փողի դիմաց պատրաստ է ավերել պետական ինստիտուտները, ջուր լցնել իշխանության անօրեն ջրաղացին , ինչպես անում էր Մարուքյանը՝ Սահմանադրական դատարանի դեմ արշավին իր աջակցությամբ եւ այլն: Սակայն մարդն ինչպիսի այլասերվածության աստիճան պետք է ունենա, որ պատերազմից հետո էլ շարունակի ազգասպան իշխանության հետ համագործակցությունը,չմիանա նրա հարաժարականի պահանջով համախմբված 18 ուժերին, սա արդեն էություն է, բնավորություն:
Հիմա էլ այս թոշակառու հաճախորդը պասերով խաղում է Փաշինյանի հետ, գործ տալիս Փաշինյանի ըդդիմախոսների ու ընդդիմադիրների դեմ եւ իրավապահներին պարապ չի թողնում:
Ինչպես հայտնի է՝ Փաշինյանի թեթեւ ձեռքով հեղափոխությունից հետո ծաղկեց ու բարգավաճեց այսպես կոչված «գործ տալու» ինստիտուտը, խոսքն ամենեւին էլ քաղաքացիական կեցվածքի մասին չէ, այլ 37 թվի մթնոլորտի վերականգնման, սուտ մատնության, ապա նաեւ իշխանության գրպանում գտնվող իրավապահների միջոցով գործեր հարուցելու, մարդկանց բանտեր նետելու մասին, որ այս իշխանության հարազատ դարձած գործելաոճն է: Գործ տալու մեջ պառաված այս գործիչները՝ Մարուքյանն ու Նիկոլ Փաշինյանը հիմա իրենց զգում են ինչպես ձուկը ջրում: Օրերս հայտնի դարձավ, որ Նարեկ Սամսոնյանին ձերբակալեցին Մարուքյանի կուսակցի հաղորդման վրա, Վանաձորում էլ Մարուքյանը վերահաշվարկի դիմում է ներկայացրել, որ իշխանության համար ժամանակ շահի եւ Նիկոլ Փաշինյանը Մամիկոն Ասլանյանի հարցում կյանքի կոչի իր սեւ գործը: Նախկին պասերով խաղի մասին էլ չենք հիշեցնում, թե ինչպես էր Մարուքյանը շրջանառության մեջ դնում իշխանահաճո նախագծեր, իսկ իշխանությունը հաստատում էր խորհրդարանում: Հիմա բանը հասել է նրան, որ դանոսության սիրահար զույգի համագործակցության միակ եզրը մնացել է գործ տալը:
Իհարկե, պետք է մեծ շնորհակալություն հայտնել Նիկոլ Փաշինյանին նոր ընտրություններով այս լուսահոգուն քաղաքական դաշտից դուրս վռնդելու համար, սակայն հիմա էլ երիտասարդ թոշակառուի կարգավիճակում է նա փորձում «կլյաուզայի» միջոցով օգտակար լինել իշխանությանը: Եւ քանի որ դուք , ինչպես նշեցինք պառաված-քոքված «կլյաուզնիկ» եք, մենք այդ պատճառով բառերը դնում ենք չակերտներում, որ չդառնանք ձեր հերթական զոհը:
Անի Սահակյան
Հետևեք մեզ Viber-ում
