Նիկոլ Փաշինյանը ջղաձգումների մեջ է ընկել

Արտաքին ճակատում Հայաստանի չափազանց բարդ աշխարհաքաղաքական կացությունը, երբ մենք կանգնած են Արցախի վերջնական կորստի և Հայաստանի մասնատաման պատմական ճգնաժամի առջև, ամենևին չեն խանգարում Նիկոլ Փաշինյանի ներքին օրակարգին։
ՏԻՄ ընտրությունների խայտառակ ձախողումից հետո Նիկոլ Փաշինյանն ընկել է ջղաձգումների մեջ։ Նա տեռոր է սկսել խոշոր քաղաքների ղեկավարների դեմ՝ հնարավոր բոլոր տարբերակներով վրեժխնդիր է ուզում լինել բոլոր նրանցից, ովքեր իրեն հավատարմության երդում չեն տվել, չնայած որ չեն կատարել նաև հակաիշխանական և հակաօրինական որևէ քայլ։
Երեւանի ավագանու 39 անդամ քաղաքապետ Հայկ Մարությանին անվստահություն հայտնելու գործընթաց է սկսել։ Անվստահության համար անհրաժեշտ 33 ստորագրությունից 39-ը արդեն կա։ Առաջիկայում նախատեսվում է Երևանի ավագանու Իմ քայլը խմբակցության հանդիպումը Նիկոլ Փաշինյանի հետ, որի ընթացքում էլ, ըստ երևույթին կորոշվի Հայկ Մարությանի ճակատագիրը։

Գյումրիում, ինչպես հայտնի է, ընտրություններում հաղթել էր Բալասանյան դաշինքը, որի դեմ ԱԱԾ-ի հարուցած գործի սկանդալից հետո դաշինքը կոալիցիա կազմեց ՔՊ-ի հետ։ Այսինքն՝ Բալասանյան դաշինքին պարտադրեցին գնալ ՔՊ-ի հետ իշխանությունը կիսելու քայլին։

Հայաստանի երրորդ խոշոր քաղաքում` Վանաձորում դեկտեմբերի 5-ի ՏԻՄ ընտրություններում առաջին տեղը գրավել էր Վանաձորի գործող քաղաքապետի գլխավորած Մամիկոն Ասլանյան դաշինքը։ Ըստ ՏԻՄ ընտրությունների տրամաբանության Մամիկոն Ասլանյանը պետք է դառնար քաղաքապետ։ Սակայան Վանաձորի ավագանու քաղաքապետի ընտրության նիստից մեկ օր առաջ Մամիկոն Ասլանյանը ձերբակալվեց։

Նույն բանը կատարվում է նաև Սյունիքի ընդդիմադիր համայնքապետերի հետ, որոնք ևս հաղթել են՝ չնայած իշխանությունը նրանց հռչակել է հանցագործ։
Ահա այն ամենը, ինչ պետք է իամանալ Նիկոլ Փաշինյանի ժողովրդավարության մասին։
Հատկանշական է, որ Երևանի ավագանու իշխանական խմբակցությունում Հայկ Մարությանի պաշտոնազրկման հետ կապված կարծիքները միանշանակ չեն

Ավագանու որոշ անդամներ հրապարակային հայտարարել են, որ չեն միանալու քաղաքապետ Հայկ Մարությանին անվստահություն հայտնելու գործընթացին։
Մասնավորապես ավագանու «Իմ քայլը» խմբակցության անդամ Վահե Գևորգյանը իր ֆեյսբուքյան էջում հայտնել է, որ չի մասնակցում քաղաքապետին անվստահություն հայտնելու որոշման ստորագրահավաքին։ «Ես՝ որպես ավագանու անդամ, ոչ մի ստորագրություն չեմ տվել, չեմ էլ տալու, անվստահություն հայտնելու պատճառ չունեմ, և համարում եմ, որ դա չի բխում Երևան քաղաքի շահերից»,-ասված է գրառման մեջ։

Ավագանու անդամ Գրիգոր Երիցյանը ևս հայտնել է, որ չի միանալու այդ գործընթացին՝ հայտարարելով, թե անվստահություն հայտնելու պատճառ չունի։ Երևանի ավագանու անդամ, նախկինում ՔՊ խմբակցության ներկայացուցիչ Իզաբելլա Աբգարյան ևս էֆեյսբուքյան իր էջում զորակցություն է հայտնել Հայկ Մարությանին։
Երևանի ավագանու ընդդիմադիր «Լույս» և ԲՀԿ խմբակցություններից հայտնել են, որ իրենք նախաձեռնությունից տեղյակ չեն։
Նիկոլ Փաշինյանը Հայկ Մարությանին չի ներում հետպատերազմական շրջանում քաղաքական չեզոքության համար և գտնում է, որ Երևանի քաղաքապետ լինելու իրավունք ունի միայն այն մարդը, ով իր վարած հակապետական քաղաքական կուրսի մոլեռանդ ջատագովն է։

Հայկ Մարթությանի պաշտոնանկության դեպքում, օրենքով Երևանի քաղաապետ պետք է ընտրվի գործող ավագանու անդամներից որևէ մեկը։ Այս պահին Երևանի ավագանու իշխող խմբակցության կազմում հեղինակություն վայելող թեկնածու չկա, բայց սա արդեն խոսակցության այլ թեմա է, որովհետև ժամանակին Նիկոլ Փաշինյանն ու իր թիմը բավարար քաղաքական հասունություն չեն դրսևորել՝ ավագանու կազմում ունենալու պահուստային քաղաքապետ թեկանծուներ։

Հայկ Դավթյան