Թուրքի դրոշակակիրը

 
Դեկտեմբերի 5-ի ՏԻՄ ընտրություններից հետո, այն բոլոր համայնքներում, որտեղ ՔՊ-ն իշխանություն չի վերցրել, Նիկոլ Փաշինյանն ու իր թիմը զբաղված են ընտրությունների արդյունքների բացահայտ կեղծմամբ:
Փաշինյանը, որ հայտարարում էր, թե ժողովուրդը երբ իրեն տուն ճանապարհի, ինքն անխոջ կհեռանա, հիմա պատերազմում է ժողովրդի կամքի հետ, ընդդիմադիր դաշինքներին պարտադրում միանալ ՔՊ-ին, կոալիցիա կազմել եւ զավթել իշխանությունը: Մեկ շաբաթից ավել է իշխանությունը շանտաժ ու սպառնալիքներով իշխանություն է զավթում Վարդենիսում, Արթիկում, Թալինում նախօրեին պարտադրեց, որ ընդդիմադիր Հայք կուսակցությունը ինքնաբացարկ տա, Վարդենիսում ընդդիմադիր թեկնածուներից մեկին կալանավորեցին, Արթիկում Սամվել Բաբայանի միջոցով իշխանություն զավթեցին եւ այլն:

Հիմա հերթը Վեդիին է։ Այստեղ ՔՊ-ն, նախկին մարզպետ Գարիկ Սարգսյանի գլխավորությամբ, փորձում էր համաձայնության գալ Արամ Սարգսյանի «Հանրապետություն» կուսակցության թեկնածու Գագիկ Հակոբյանի հետ, ով հայտնի է Գոջի մականվամբ:
Սակայն մամուլը գրեց, որ Գոջին նախընտրական շրջանում երդվել է որեւէ ուժի չմիանալ ու հիմա չի համաձայնում որեւէ տարբերակի: Ինչպես հայտնի է Հզոր համայնք կուսակցությունն է այստեղ առաջատարը՝ մոտ 47 տոկոս ձայն է հավաքել Սպարտակ Թարթիկյանի գլխավորությամբ:

ՔՊ-ն երկրորդ տեղում է, երրորդը՝ Հանրապետություն կուսակցությունը, ՔՊ-ն իշխանությունը Հզոր համայնքին չզիջելու համար անգամ Գոջիին առաջարկել է համայնքի ղեկավարի պաշտոնը, իսկ մնացած պաշտոնները վերցնել իրեն, սակայն ըստ մամուլի տեղեկությունների՝ Գոջն այս տարբերակին եւս չի համաձայնել ու հայտնվել է թե ՔՊ-ի, թե Հանրապետության թիրախում: Մամուլը գրեց, որ երկու օր առաջ նրան անգամ ծեծի են ենթարկել: Ծեծողներն էլ եղել են ոչ ավել, ոչ պակաս Վեդի Ալկո գինու գործարանի սեփականատեր Մանվել Ղազարյանի որդին ու նրա կողմնակիցները, որոնք ընտրություններին աջակցել են Արամ Սարգսյանին ու հիմա էլ ամեն ինչ փորձում են անել, որ ՔՊ-ն վերցնի իշխանությունը: Մանվել Ղազարյանը, որը մասնակցել է արցախյան առաջին ազատամարտին, փաստորեն դարձել է թուրքի դրոշակակիր եւ ամեն ինչի պատրաստ է հանուն Փաշինյանի ու իր իշխանության: Նրանց ճնշումները տվել են արդյունքներ, Գոջը եւ ողջ թիմը ինքնաբացարկի դիմում են գրել, նույնն են արել ՔՊ-ն, իսկ այս պարագայում Հզոր համայնքը ըստ օրենքի չի կարող իշխանություն վերցնել, որովհետեւ չունի մեծամասնություն:

Անի Սահակյան