Կյանքս կտամ, բայց ոչ աթոռս
![Կյանքս կտամ, բայց ոչ աթոռս](/timthumb.php?src=/disc/10-12-21/bd3c113b723c6a09b646268e67bd9729.jpg&w=708)
Մինչ ընդդիմադիրները էյֆորիայի մեջ ընկած վայելում են ՏԻՄ ընտրություններին իրենց հաղթանակի բերկրանքը եւ Նիկոլ Փաշինյանի ու իշխանության վարկանիշի սրընթաց գահավիժումը երեք ամիսների ընթացում, Փաշինյանն իր սեւ գործը տեսնում է ընդդիմադիրների հետ եւ
սահմանադրական ճանապարհով իր պարտությունը փորձում հաղթանակ դարձնել: Այն համայնքներում, որտեղ ՔՊ-ն պարտվել է կամ ճնշումներով, սպառնալիքներով փորձում է մասնակից ուժերից որեւէ մեկին իր կողմը բերել եւ 50+1 ձեւավորել, կամ եթե իր դեմ կոալիցիաներ են ձեւավորել, ամեն գնով դրանք քանդել: Երեկ հայտնի դարձավ, որ կալանավորվել է
«Միասնական Վարդենիս» դաշինքի ցուցակը գլխավորող Արամ Հարությունյանը, նրան մեղադրանք է առաջադրվել ՀՀ քրեական օրենսգրքի 325-րդ հոդվածի 2-րդ մասով (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշներ կեղծելը, իրացնելը կամ օգտագործելը), ՀՀ քրեական օրենսգրքի 178-րդ հոդվածի 3-րդ մասի 1-ին կետով (Խարդախությունը, որը կատարվել է առանձնապես խոշոր չափերով) և ՀՀ քրեական օրենսգրքի 308-րդ հոդվածի 1-ին մասով (Պաշտոնեական լիազորությունները չարաշահելը) (երկու դրվագ):
Դեկտեմբերի 7-ին «Ահարոն Խաչատրյան» և «Միասնական Վարդենիս» կուսակցությունների դաշինքները հայտարարություն էին տարածել, որում նշվում էր, որ 2 քաղաքական ուժերը պատրաստվում են կոալիցիա կազմել և միասին ստանձնել քաղաքի կառավարման պատասխանատվությունը՝ չնայած նրան, որ համայնքում ձայների մեծամասնությունն ստացել է «Քաղաքացիական պայմանագիր» կուսակցությունը: Վարդենիսի ՏԻՄ ընտրություններում «Ահարոն Խաչատրյան» դաշինքը ստացել է ձայների 16.51 տոկոսը, «Միասնական Վարդենիս» դաշինքը՝ 37.76 տոկոսը, 46.11% էլ ստացել «Քաղաքացիական պայմանագիր» կուսակցությունը:
Ակնհայտ է, որ Արամ Հարությունյանի կալանավորումը այս փուլում, երբ մի քանի օրից պետք է ավագանու նիստ հրավիրվի եւ քաղաքապետ ընտրեն, մեկ նպատակ է հետապնդում, խափանել այդ ծրագիրը: Սրանից ընդդիմությունը պետք է հետեւություններ անի, որ Նիկոլ Փաշինյանը երբեք ու երբեք սահմանադրական ճանապարհով չի զիջի իր աթոռը , չի հեռանա իշխանությունից՝ անգամ եթե որեւէ ընտրության արդյունքներով ինքն ու իր թիմը պարտվեն: Հետեւաբար խորհրդարանական գործունեությամբ, կամ սահմանադրական այլ հարթակում հնարավոր չէ հասնել այս մարդու հեռացմանը: Մի մարդ, որ ստով ու կեղծիքով Արցախի մեծ մասն է հանձել, հիմա շարունակում է Հայաստանից մաս-մաս հանձնի ու դեռ իր պաշտոնում է, կնշանակի նա կարողանում է կեղծել ու մանիպուլացնել ամեն բան, կնշանակի, որ այս մարդու դեմ այլ ճանապարհներով է պետք աշխատել:
Մարդն այնքան ամուր է կառչած իր աթոռին, որ կարող է պետությունը ցնցումների տանել, նոր աղետ բերել, բայց չհանձնել աթոռը: Նշենք, որ կառավարությունում կադրային վերադասավորումները եւս ՏԻՄ ընտրությունների հետեւանք ե: Փաշինյանը ցանկցիաներ է կիրառում անգամ թիմակիցների նկատմամբ, Ռոմանոս Պետրոսյանին ազատեց նախարարի պաշտոնից , որովհետեւ Աբովյանում ձախողել էր, նշանակեց ավելի ցածր՝ՊՎԾ պետի պաշտոնում, ԱԻՆ փոխնախարար Կարեն Սարուխանյանին ազատեց ԱԻՆ փոխնախարարի պաշտոնից, վերջինը Շիրակի իր տարածքաշրջանում չէր հաջողել: Առաջիկայում միգուցե այլ ազատումներ էլ լինեն: Փաշինյանն այսպիով ցույց է տալիս, որ իր համար ամենակարեւոր խնդիրը իշխանության վերարտադրությունն ու պահպանումն է, մնացյալը երկրորդական են :
Անի Սահակյան