Շիրակի մարզպետի հետընտրական "առաջատար" գրառումը և իրական պատկերը. Գագիկ Համբարյան

Դեկտեմբերի 5-ին ՏԻՄ ընտրություններ տեղի ունեցան նաև Շիրակի մարզի մի շարք համայնքներում...
Ընտրություններից որոշ ժամանակ անց Շիրակի քայլիստ մարզպետ Նազելին գրառում կատարեց և հայտնեց, որ "Շիրակի մարզի Աշոցք, Ախուրյան, Ամասիա խոշորացված համայնքներում քվեարկության նախնական արդյունքներով "Քաղաքացիական պայմանագիր" կուսակցությունն առաջին տեղում է"... Մարզպետի գրառումը կամ մանիպուլյացիա է, կամ էլ ինքնախաբեություն, քանի որ Նազելին ինքը գիտի, որ առաջատար լինելը դեռ չի նշանակում հաղթանակ տանել...
Այո՛, Աշոցքում քայլիստներն առաջատար են և հաղթանակ են տարել... Սակայն Ախուրյանում և Ամասիայում քայլիստների առաջատար լինելը դեռ չի նշանակում հաղթանակ տանել...
Այսպես, Ախուրյանում, երկու դաշնակցականների՝ Ախուրյանի և Մարմաշենի գործող համայնքապետերի կողմից ձևավորված երկու դաշինքները, համապատասխանաբար՝ "Ախուրյան" և "Հաղթանակ" դաշինքները միասին ստացել են 6642 ձայն, իսկ քայլիստները՝ 6217 ձայն, որը 425-ով պակաս է ընդդիմադիրների հավաքած ձայներից և ուղղակի անիրական է պատկերացնել, որ երկու դաշնակցականները իրար չեն միանա և չեն ձևավորի կոալիցիա ու նրանցից ինչ-որ մեկը իր կոալացիա կկազմի քայլիստների հետ...
Ամասիայի պարագայում ևս ամեն ինչ մշուշոտ է... Նախնական տվյալներով, ՔՊ-ն ստացել է 1213, գործող համայնքապետի "Արփի Ամասիա" դաշինքը՝ 1198, ՀՀԿ-ն՝ 717 ձայն... Այո՛ առաջատար է, բայց ոչ հաղթանակած և չի կարելի բացառել, որ քայլիստների հետ պայքարող ուժերը կարող են միավորվել և կոալիցիա ձևավորել...
Ի դեպ, շատ հետարքքիր տվյալներ հենց Ամասիա գյուղից. ՀՀԿ-ն առաջատարն է եղել, երկրորդ հորիզոնականը զբաղեցրել է գործող համայնքապետի քաղաքական ուժը, իսկ քայլիստները ստացել են ընդամենը 77 ձայն...

Գագիկ Համբարյան