Էրդողանը՝ Հայաստանի հարցով և՛ բանակցող, և՛ Ալիևին զինող
Ռիգայում երկկողմ հանդիպում են ունեցել Թուրքիայի արտգործնախարարն ու ԱՄՆ պետքարտուղարը։ «Անադոլու» գործակալության փոխանցմամբ` Մևլութ Չավուշօղլուն և Էնթոնի Բլինքենը քննարկել են երկու երկրների հարաբերությունները, Ուկրաինայի, Սիրիայի հակամարտությունները, իրավիճակը Հարավային Կովկասում։ Չավուշօղլուն և Բլինքենը Լատվիայի մայրաքաղաքում մասնակցում են ՆԱՏՕ-ի արտգործնախարարների հավաքին:
Էրդողանն այսպիսով, աշխարհի առաջնորդների հետ արդեն Հարավային Կովկասի հարցերով, ավելի ճիշտ Հայաստան-Ադրբեջան թեմաներով դարձել է հիմնական «խոսող»:
Բանակցելուն զուգահեռ, Բաքուն ու Անկարան շարունակում են ռազմական համագործակցությունը: Բաքվում օրերս քննարկել են Ադրբեջանի, Պակիստանի և Թուրքիայի միջև եռակողմ ռազմական համագործակցության հեռանկարները: Ադրբեջանի պաշտպանության նախարար Զաքիր Հասանովը Բաքվում բանակցություններ է վարել Պակիստանի պաշտպանական արդյունաբերության նախարար Զուբայդ Ջալալի հետ։
Ըստ Ադրբեջանի ՊՆ-ի հաղորդագրության, «հանդիպմանը կողմերը գոհունակություն են հայտնել ադրբեջանա-պակիստանյան հարաբերությունների զարգացման և ռազմավարական գործընկերության մակարդակից, քննարկվել են երկկողմ ռազմական համագործակցության հիմնական վեկտորները»։
Հասանովն ու Ջալալին, ըստ հաղորդագրության համաձայն, քննարկել են նաև Ադրբեջանի, Պակիստանի և Թուրքիայի եռակողմ ռազմական համագործակցության հեռանկարները։ «Հասանովը նշել է համատեղ զորավարժությունների կարևորությունը երեք երկրների ռազմական անձնակազմի մասնագիտական մակարդակի բարձրացման գործում և ընդգծել այդ ոլորտում ջանքերի ավելացման անհրաժեշտությունը»,- ասվում է Ադրբեջանի ՊՆ-ի մամուլի ծառայության հաղորդագրությունում։
Ադրբեջանի պաշտպանության նախարարը չորեքշաբթի օրը Բաքվում բանակցություններ է վարել Պակիստանի պաշտպանական արդյունաբերության նախարար Զուբայդ Ջալալի հետ։ «Հանդիպմանը կողմերը գոհունակություն են հայտնել ադրբեջանա-պակիստանյան հարաբերությունների զարգացման և ռազմավարական գործընկերության մակարդակից, քննարկվել են երկկողմ ռազմական համագործակցության հիմնական վեկտորները», - ասվում է ադրբեջանական կողմի հաղորդագրությունում։
«Հասանովը նշել է համատեղ զորավարժությունների կարևորությունը երեք երկրների ռազմական անձնակազմի մասնագիտական մակարդակի բարձրացման գործում և ընդգծել այդ ոլորտում ջանքերի ավելացման անհրաժեշտությունը»,- փոխանցում է Ադրբեջանի ռազմական գերատեսչության մամլո ծառայությունը:
Ղարաբաղյան 44-օրյա պատերազմի ընթացքում, ըստ Հայաստանի իշխանությունների, ադրբեջանական կողմից ռազմական գործողություններում ներգրավված են եղել նաև Պակիստանի բանակի հատուկջոկատայինները։ Այդ մասին հայտարարել էր նաև վարչապետ Նիկոլ Փաշինյանը։
Վերջին տարիներին Բաքուն և Իսլամաբադը հետևողականորեն խորացնում են կապերը ոչ միայն ռազմական, այլ նաև տնտեսական, մշակութային, կրոնական ոլորտներում։ Երկու երկրների հարաբերություններում նշանակալի իրադարձություն էր ադրբեջանցի զինվորականների մասնակցությունը Պակիստանում տեղի ունեցած ռազմական շքերթին։ Մինչ այդ ադրբեջանական զորքը ներկա էր եղել միայն Թուրքիայում և Ռուսաստանում տեղի ունեցած զորահանդեսներին։
Մետաքսյա Շալունց
Հետևեք մեզ Viber-ում
