Լուկաշենկո․ Լեռնային Ղարաբաղում, Ուկրաինայում ու Մերձդնեստրում պետք է կարգուկանոն հաստատել

ԲԵԼՏԱ-ն հայտնում է,որ   Բելառուսի նախագահ Ալեքսանդր Լուկաշենկոն հայտնել է ԵԱՀԿ Խորհրդարանական վեհաժողովի ղեկավարության հետ հանդիպման ժամանակ: «ԵԱՀԿ-ն կարող է ապավինել Բելառուսին որպես Եվրոպական տարածաշրջանում անվտանգության դոնորի։ Դուք լավ գիտեք մեր հնարավորությունները։ Դուք կարող եք միշտ ապավինել մեզ, մանավանդ, ինչ վերաբերում է Եվրոպական տարածաշրջանում անվտանգության դոնորությանը:Կան հակամարտություններ այնպիսի տարածաշրջանններում ինչպիսիք են Ուկրաինան, Լեռնային Ղարաբաղը, Մերձդնեստրը։ Դրանք շատ կարեւոր տարածաշրջաններ են, որտեղ մենք պետք է եվրոպական, քաղաքակիրթ ձեւով կարգուկանոն հաստատենք։ Մենք արդեն քննարկել ենք համաեվրոպական անվտանգության բազմաթիվ խնդիրներ, այլ հարցեր ԵԱՀԿ օրակարգից։ Այդ հարցերի հրատապությունը չի անհետացել։ Այն ոչ միայն պահպանվում է, այլեւ ուժեղանում»,- հայտնել է Լուկաշենկոն։ ԵԱՀԿ ԽՎ նախագահ Քրիստին Մուտտոնենն էլ իր հերթին հայտնել է, որ համաձայն է Բելառուսի նախագահի դիրքորոշման հետ՝ խաղաղության ու անվտանգության ապահովման հարցում կազմակերպության դերի հարցում։ «Մենք, որպես խորհրդարանականներ, զբաղեցնում ենք ակտիվ դիրքորոշում, բացահայտ քննարկում խնդրահարույց հարցերը»,- ասել է նա։ Քրիստին Մուտտոնենի խոսքով, կարեւոր է նաեւ հարթակի ստեղծումը այն բանի համար, որպեսզի նաեւ պետությունների կառավարությունները կարողանան շարունակեն երկխոսությունը օրակարգի արդիական հարցերի շուրջ։