Ցերեկը կանխատեսվում է մինչև 40 աստիճան տաքություն

ԱԻՆ-ից տեղեկացնում են, որ հուլիսի 5-ին հանրապետությունում սպասվում է բարձր ջերմային ֆոն, հովտային գոտիներում ցերեկը կանխատեսվում է մինչև 40 աստիճան տաքություն և բարձր կարգի հրդեհավտանգ իրավիճակ: Օդի միջին օրական ջերմաստիճանն այդ օրերին բարձր կլինի նորմայից 5-6 աստիճանով: Ուլտրամանուշակագույն ճառագայթման ինդեքսը կանխատեսվում է 7, որի դեպքում խորհուրդ է տրվում ժամը 11:00-ից 15:00-ն ընկած ժամանակահատվածում խուսափել արեգակի ուղիղ ճառագայթներից: Հուլիսի 5-ին հանրապետության տարածքում սպասվում է առանց տեղումների եղանակ, 6-ին, 8-9-ի երեկոյան ժամերին հյուսիսային շրջաններում, 7-ին շրջանների զգալի մասում սպասվում է կարճատև անձրև և ամպրոպ, առանձին վայրերում հնարավոր է կարկուտ, քամու ուժգնացում՝ 18-23 մ/վ: Օդի ջերմաստիճանը 6-9-ը կնվազի 4-6 աստիճանով: Երևանում հուլիսի 5-ին, 8-9-ը սպասվում է առանց տեղումների եղանակ, 6-7-ի երեկոյան ժամերին առանձին հատվածներում հնարավոր է կարճատև անձրև և ամպրոպ, ամպրոպի ժամանակ՝ քամու ուժգնացում՝ 17-20 մ/վ: