Այս սահմանադրությունը հիմարության, տխմարության, ապուշության եւ ծախվածության գագաթն է. Պարույր Հայրիկյան
Այսօր Հայելի ակումբում ԱԻՄ առաջնորդ Պարույր Հայրիկյանն անդրադարձավ նոր Սահմանադրությանը, նշելով, որ 25 տարվա ընթացքում 3 սահմանադրություն է փոխվել. «Եթե առաջին երկուսը իրար հետ գոնե կապ ունեին կառուցվածքային իմաստով, ապա վերջինը հիմարության, տխմարության, ապուշության եւ ծախվածության գագաթն է»: Գերագույն խորհրդի նախկին պատգամավոր Ազատ Արշակյանի խոսքով էլ՝ սահմանադիր ժողովի չձեւավորվելը կոպիտ սխալ էր. «Պետությունը թերի է: Այս սահմանադրությունը սահմանափակում է կյանքի ամենակարեւոր բաղադրիչը՝ մրցակցությունը»: Այնուհետև բանախոսները անդրադառնալով Հայաստանի ԵՄ ինտեգրմանը, նշեցին, որ Սերժ Սարգսյանի հայտարարությունը ոչինչ չի նշանակում: Պարույր Հայրիկյանի խոսքով՝ պետք է արձանագրել նաև մի բան, որ եվրոպական քաղաքական գործիչներն էլ բավարար իրավական դրսևորում հանդես չբերեցին նախորդ փուլում:
Հետևեք մեզ Viber-ում
