Ինձ ապշեցնում է ԱԽ քարտուղարի հայտարարությունը. Հրանտ Բագրատյան

Հանրային հեռուստաընկերությանը տված հարցազրույցում ՀՀ Անվտանգության խորհրդի քարտուղար Արմեն Գրիգորյանը հայտարարել է, որ Ադրբեջանական կողմը հայկական կողմին տեղեկացրել է, որ նոյեմբերի 10-ի գիշերը՝ ժամը 12։00-ից սկսած, Գորիս-Կապան ճանապարհի հատվածում կիրականացնի սահմանային և մաքսային հսկողության գործառույթ, այսինքն՝ մաքսակետեր կտեղադրի։

-Պարոն Բագրատյան ԱԽ քարտուղարը հպարտությամբ հայտնել է, որ հայկական կողմը ևս համապատասխան քայլեր կձեռնարկի՝ ճանապարհի այդ հատվածում կտեղադրի մաքսային և սահմանային հսկողության գործառույթներ իրականացնող կետեր, ինչ է սա նշանակում:

-Մենք բազմիցս հայտարարել ենք, որ Գորիս-Կապան հատվածը, որը 2020 թվականի դեկտեմբերի 18-ին Վաղարշակ Հարությաունյանի դավաճանական ստորագրության պատճառով հայտնվել է ադրբեջանական զորքերի վերահսկողության ներքո, դրանք իրականում հայկական հողեր են: Մենք ունենք այդ ճանապարհների մասին, դեռևս խորհրդային միության ժամանակ արձանագրված որոշումներ, այդ ճանապարհը չի կառուցվել Ադրբեջանի տարածքում, այդ չանապարյներին կատարվել է հողահատկացում: Ինչպես նաև՝ Ադրբեջանի նախարարների խորհուրդը հավանություն է տվել, որ ճանապարհը կառուցվի ՀՀ տարածքում:

Հիմա ադրբեջանցիները մաքսակետ են դնում ՀՀ տարածքում, և ինձ համար, առնվազն, զարմանալի է ԱԽ քարտուղարի հայտարարությունը, այն է որ մենք էլ մեր կողմից մաքսակետ կտեղադրենք, այսինքն դրանով ստացվում է, որ մենք ոչ միայն ընդունում ենք ադրբեջանական մաքսատան առկայությունը, այլև մենք էլ մաքսակետ ենք դնում, որ երբ ադրբեջանցիները ուզենան, գան Գորիս, Երևան և այլն, և այլն: Դա չի սազում ԱԽ քարտուղարին:

-Պարոն Բագրատյան այս դեպքում ինչ է սպասվում Գորիս-Կապան ճանապարհին գտնվող համայնքներին, մասնավորապես Կապան-Ճակատեն հատվածին:

-Կապան-Ճակատեն ճանապարհը նույնպես ամբողջությամբ պատկանում է ՀՀ տարածքին:Այստեղ ևս ճանապարհի մի մասը զիջել ենք Ադրբեջանին, որի պատճառով ներկայումս տեղի գյուղեր գնալը դարձել է խնդրահարույց: Հիմա Ադրբեջանը հիմա այստեղ մաքսակետ չի դնում, որին մի քանի բացատրություն կարող է լիներ. այն, որ շուտով դա էլ կանի, կամ էլ ընդհանրապես չի պատրաստվում այդտեղ մաքսակետ դնել, քանի որ այդ հատվածը համարում է իրենը:

-ԱԺ ՔՊ խմբակցության պատգամավոր Սերգեյ Բագրատյանն էլ այսօր հայտարարել է, որ Ադրբեջանցիները մաքսակետերը Հայաստանի տարածքում չեն տեղադրել, և որ իրենք այդտեղ որեւէ խնդիր չենք տեսնում, քանի որ այլընտրանքային ճանապարհը պատրաստ է եւ քաղաքացիները կարող են ազատ երթեւեկել նորակառույց Տաթեւ-Աղվանի ճանապարհով:

Այս հայտարարության հետ կապված ևս Հրանտ բագրատյանն իր անհամաձայնությունը հայտնեց, և նշեց.

-Դա կատարյալ աբսուրդ է: Այս մարդը անհեթեթ հայտարարություն է արել, նա միանգամից հրաժարվում է Գորիս, Կապան ճանապարհի այդ հատվածից, որը սխալմամբ է տրամադրվել Ադրբեջանին:

 Նաիրա Բաղդասարյան