Առուշանյանին ցմահ դատապարտելու ցանկությամբ

Իշխանությունները չեն պատրաստվում Գորիսի համայնքապետ Առուշ Առուշանյանին ազատ արձակել:

Առուշանյանի խափանման միջոցը փոխելու հարցը դատարանը նոյեմբերի 5-ին չքննարկեց։ Հաջորդ նիստը նշանակվեց նոյեմբերի 29-ին։

Հիշեցնենք, որ անհեթեթ մեղադանքով արդեն մի քանի ամիս է Առուշանյանը գտնվում է անազատության մեջ: Առուշանյանը մեղադրվում է արտահերթ ընտրությունների ժամանակ ընտրական իրավունքի իրականացմանը խոչընդոտելուն օժանդակելու, ընտրողներին կաշառք տալուն օժանդակելու և նախապատրաստելու համար: Հուլիսի 16-ից անազատության մեջ գտնվելու փաստը Առուշանյանին չխանգարեց, որ հոկտեմբերի 17-ի ՏԻՄ ընտրություններով նա վերընտրվի Գորիսի համայնքապետի պաշտոնում: 6500 քվե ստացած համայնքապետին անազատության մեջ պահելն ակնառու նպատակներ է հետապնդում: Արցախը հանձնելուց հետո գաղտնիք չէ, որ Նիկոլ Փաշինյանի թիրախում Սյունիքն է, շուրջ մեկ տարի է Նիկոլ Փաշինյանը փորձում Սյունիքը ճանապարհների ապաշրջափակման անվան տակ հանձնել իր բարեկամներին, բայց Առուշ Առոշանյանի եւ իր պես բազում հող պահող սյունեցիների ցուցաբերած դիմադրության շնորհիվ Փաշինյանի ծրագիրը իրականություն չի դառնում, հենց այդ պատճառով Առուշանյանը հայտնվեց Փաշինյանի թիրախում: Հիմա առավել եւս, Գորիսում , Գյումրիում եւ այլ համայնքներում իշխանությունների կրած պարտությունն ազդակ է Նիկոլ Փաշինյանի համար, որ այլեւս հնարավոր չէ լոկալ մակարդակում կեղծել ընտրությունները, ինչպես արեցին հունիսի 20-ին, որ իրենք չունեն ժողովրդի աջակցությունը, ինչի մասին այդքան թմբկահարում են, ճիշտ հակառակը՝ ՀՀ քաղաքացին ահլեւս որոշել է իշխանություններին մերժել անգամ ամենաանհետաքրքիր թվացող՝ ՏԻՄ ընտրություններով, որ իշխանափոխության թափանիվն արդեն պտտվել է եւ դրա դեմն առնել հնարավոր չէ: Եւ ուրեմն, պետք է հնարավորինս ձգել գոտիները: Իշխանությունը սրընթաց գահավիժում է եւ ինչ-որ պահի հնարավոր չի լինելու ձնագնդու դեմն առնել:
Կյանքը ցույց տվեց, որ Առուշ Առուշանյանը ոչ թե քաղաքական պայքարի է դուրս եկել Նիկոլ Փաշինյանի ու այս իշխանությունների դեմ, այլ, իսկապես, իր հող ու ջրի, հայրենիքի պաշտպանությամբ է զբաղված՝ անկախ քաղաքական գաղափարների ու հայացքների: Նրան անազատության մեջ թողնելը կնշանակի դիմադրության մի մեծ օջախ վառել, որը չի բացառվում վարակիչ կդառնա եւ շղթայական ռեակցիայի էֆեկտով կտարածվի ողջ Հայաստանում: Նիկոլ Փաշինյանը հնարավորինս երկարաձգելու է նրան ճաղերի ետեւում պահելու ժամկետը:

Անի Սահակյան