Հակամարդ ու հակահայ «ծաղրածուներ» են առաքվել Հայաստան.նպատակը հայտնի է

Նիկոլ Փաշինյանի եւ իր հաճախորդաց հարամի մերձեցման ցերեկույթները շարունակվում են, մի քանի օր առաջ կառավարությունը հաղորդեց հերթական մերձեցման մասին, խոսքն արտախորհրդարանական որոշ ուժերի մասին է, որ պատերազմից հետո պարբերաբար հանդիպում են հայատյաց Փաշինյանի հետ՝ այդպիսով աջակցություն հայտնելով հայասպանին, միջազգային հարթակներում հնարավորություն տալու խոսել իր ընդունելի լինելու մասին:
Անշուշտ, այլեւս անպատվաբեր է անդրադառնալ այդ մարդկանց, դրանց տեսակի մասին, ընդգծել նրանց թույլ տված հանցանքի մեծությունը: Այս մարդկանց՝ Փաշինյանի նկատմամբ անգամ հանդուրժողականությունը մեծագույն հանցանք է Հայաստանի, Արցախի ու նրանց ժողովուրդների հանդեպ:
Կարելի է պատկերավոր համեմատության տարբեր օրինակներ նշել, որպեսզի ավելի ակնառու դառնա սրանց հանցանքի մեծությունը, դա մոտավորապես այն է, որ աջակցություն հայտնես այն թուրքերին, ովքեր մեծ Եղեռնի օրերին սրի էին քաշում հղի կանանց, խոշտանգում դեռ չծնված երեխաներին: Հիմա հարց է առաջանում՝ նման մարդկանց հետ կոմպրոմիս կա, թե չկա: Եթե կա, ապա կարելի է խոսել Նիկոլ Փաշինյանի հետ կոնսենսուսի ու կոմպրոմիսի մասին եւս: Փաստ է չէ, որ Արցախն այլեւս չկա, մեր հայրենիքի ինքնիշխանությունը մեծ հարցականի տակ է, հազարավոր զոհեր ու ավեր, հենց այս պահին չի բացառվում, որ մեր մի քանի հարյուր հայրենակցի Ադրբեջանում խոշտանգում են գերության մեջ, կտտանքների ենթարկում , ու այս դժոխային իրականության պատասխանատուն իշխանությունն է Նիկոլ Փաշինյանի գլխավորությամբ:

Մեզանում մարդը Նիկոլ Փաշինյանի համար գերագույն արժեք չէ: Ավստրալիայում 18 օր առաջ Քլեո Սմիթ անունով 4 տարեկան մի աղջիկ էր կորել: Որոնողական միջազգային օպերացիա սկսեցին: Երկրի վարչապետ Սքոթ Մորիսընն էլ խոստացել էր՝ չգտնեն՝ հրաժարական է տալիս: Հայաստանում վարչապետը 7000 մարդու մահվան պարագայում ասում է՝ պլյուս մինուս այսքան ու շարունակում վեր ընկնել տեղում, իսկ կողքին էլ աջակիցներ է շարում, որոնք փաստացի նույնքան հակամարդ են, որքան Նիկոլ Փաշինյանը:
Նորմալ բանական մարդը մի երեխայի կորստի համար պատրաստ է քաղաքական պատասխանատվության ենթարկվել, իսկ մեզանում հազարավոր երեխաներ չկան, հարյուրներն այս պահին խոշտանգվում են, ու այս ամենի թիվ մեկ պատասխանատուն, կրկնում ենք՝ Նիկոլ Փաշինյանն է եւ դուք գնում եք նրա հետ հանդիպման ու ձեռքսեղման, հասկանում եք չէ՞, որ դուք այնքան վերջացած հակամարդիկ եք, որ ձեր մասին խոսելու մեծ բան չկա, ձեր թեման ավարտված է, այստեղ մնում է մտածել, թե ինչու ու ինչ նպատակով են ռուսները հայաստանյան քաղաքական ասպարեզ գործուղում ծաղրածուների, որոնք ըստ էության դառնում են այդ պրոցեսի լոկոմոտիվը, իրենց ռեսուրսներով փորձում ծանրակշիռ հայտ ներկայացնել քաղաքական գործընթացներում՝ ի դեմս Տիգրան Արզաքանցյանի, որը Պուտինի ընկերոջ նախկին կնոջ ամուսինն է: Եթե ձեր հույսը Տիգրան Արզաքանցյանն է իր հայաստանյան այժմյան գործընկեր Տիգրան Ուրիխանյանով, կամ ձեր հույսը միաբջիջ Արա Աբրահամյանն է իր քաղաքական պրոյեկտներով, ապա Հայաստանի հետ կատարվածն ու դեռ շարունակվողը դառնում է բնական: Ցեղասպանությունը, որը տեղի ունեցավ Նիկոլ Փաշինյանի թողտվությամբ կամ աջակցությամբ, դեռ ժամանակի ընթացքում է հասկանալի դառնալու շատերին: Իսկ այսօր Հայաստանում կան լայն շերտեր, որոնք իրենց դահիճին են ուզում, իրենց մորթողին են աջակցում, իսկ քաղաքական աջակցությունների նման միջոցառումները պարզապես լեգիտիմացնում են հանրության նման ցածր խավի ցանկություններն ու պահանջները, քանզի մարդիկ տեսնում են, որ Փաշինյանն այնքան էլ հանցագործ չէ, հակառակ դեպքում ամեն ինչով ապահով մարդիկ նրա կողքին չէին լինի: Հասկանալի է՝ Ռուսաստանը մեր հաշվին իր առեւտուրն է անում Թուրքիայի հետ, բայց մեծ հաշվով այստեղ տուժողը միայն մենք չենք, այլ ռուսները, քանզի ապազգային տարրերի ամրապնդումը երկրում, ի վերջո, նոր աղետի է հանգեցնելու:

Անի Սահակյան