«Մեկին գիտեմ, որ գրել է`ինչո՞ւ է խրխնջում կամ վրնջում ձին ու դարձել ԳՄ անդամ».Նաիրա Զոհրաբյան

ԱԺ մշտական հանձնաժողովներում  2016թ. պետական բյուջեի կատարողականի քննարկումների շամանակ Ծառուկյան դաշինքից պատգամավոր Նաիրա Զոհրաբյանը հարց ուղղվեց Մշակույթի նախարար Արմեն Ամիրյանին . «Ես գիտեմ մի գրողի, որը գրել է` ինչո՞ւ է խրխնջում կամ վրնջում ձին ու դարձել է Գրողների միության անդամ։ Ողբալի վիճակ է։ Իմ` նախորդ հայտարարությունից հետո ստեղծագործական միությունները միանգամից բունտ արեցին` ասելով, թե սոցիալապես անապահով խավն այդ դեպքում ինչ անի։ Տպավորություն է, որ այդ միությունները կամ նպաստ տվողներ են, կամ պետպատվերով իրականացվող գրահրատարակչությունը սոցիալական անապահովների համար թոշակի մի ձեւ է։ Ժամանակակից այդ հեղինակների 90 տոկոսին ոչ մեկը չի կարդում, բացի իրենցից, դրանք մակուլատուրա են։ Տաղանդավոր մարդու հետեւից հրատարակիչներն իրենք կընկնեն»։ « 1 100 տոկոս համամիտ եմ, ու եկող տարվա ծրագրում ներառված են ձեր ասած այդ մոտեցումները»,-պատասխանեց նախարարը: Նաիրա Զոհրաբյանին հետաքրքրում էր նաեւ Հայֆիլմի ճակատագիրը` առողջացման ի՞նչ ծրագիր է ներկայացվել։ «Որեւէ ներդրողի հետաքրքիր չէ Հայֆիմը։ Կինոյի ոլորտի առողջացման համար պետք է ընդունվի «Կինոյի մասին» օրենքն ու հիմնադրվի կինոյի դպրոցը։ Եթե 10 նորմալ ֆիլմ ստեղծվի, ապա ներդրող կգա»,-հայտարարեց նախարարը։