Կրակոցների հետևանքով վիրավորված նախկին դատախազի որդու վիճակը (տեսանյութ)

News.am-ը գրում է. Գյումրիում հունիսի 25-ին հնչած կրակոցների հետևանքով Գյումրիի բժշկական կենտրոն տեղափոխված Գեորգի Հակոբյանի վիճակը համեմատաբար կայունացել է: Այս մասին այսօր՝ հուլիսի 2-ին հայտնել են հիվանդանոցի աշխատակիցները ՝ նշելով, որ Գեորգի Հակոբյանը շարունակում է մնալ Վերակենդանացման բաժանմունքում, սակայն, նրա մոտ դրական դինամիկա է նկատվում: Նշենք, որ Գեորգի Հակոբյանը Ախուրյանի տարածաշրջանի նախկին դատախազ, տարիներ առաջ մահացած Հակոբ Հակոբյանի որդին է։ Գյումրիում հնչած կրակոցների գործով ոստիկանները բերման են ենթարկել Գյումրիում քրեական հեղինակություն համարվող «գող Սուրոյին»: Մեր աղբյուրի փոխանցմամբ՝ Գյումրիի քրեական աշխարհը խուճապի մեջ է, ոմանք լքել են քաղաքը: Նրանք մտավախություն ունեն, որ գործի շրջանակում նաեւ իրենց բերման կենթարկեն: