Մոսկվայում վերջին հրաժեշտն են տվել «Иванушки International» խմբի նախկին անդամ Օլեգ Յակովլևին. երգչին դիակիզելու են
Մոսկվայում վերջին հրաժեշտն են տվել ռուսական «Իվանուշկի International» փոփ խմբի նախկին անդամ Օլեգ Յակովլևին: Երաժշտի հարազատները և երկրպագուները մասնակցել են «Տրոյեկուրովսկոյե» գերեզմանոցում անցկացվող հրաժեշտի արարողությանը, հայտնում է RIA Novosti-ն: Նշվում է, որ արտիստին հրաժեշտ տալու գնացած մարդկանց հերթ է գոյացել: Հիշեցնենք, որ Յակովլևը մի քանի օր ծանր վիճակում վերակենդանացման բաժնում էր գտնվում, բժիշկները նրա մոտ թոքերի երկկողմանի բորբոքում էին ախտորոշել։ 47-ամյա երգչին միացրել էին թոքերի արհեստական օդափոխության սարքին։ Նշենք նաև, որ Յակովլևի ընկերուհին հայտնել է, որ երգչին դիակիզելու են։