Տիգրան Ավինյանը՝ ԶՊՄԿ հոգաբարձուների խորհրդի անդամ
Օրերս մամուլը գրել էր, որ ՔՊ անդամ, նախկին փոխվարչապետ Տիգրան Ավինյանը հնարավոր է նշանակվի Զանգեզուրի պղնձամոլիբդենային կոմբինատի տնօրեն:
Hayeli.am-ի տեղեկություններով Ավինյանն ամենևին էլ չի պատրաստվում նշանակվել ԶՊՄԿ-ի տնօրեն, վերջինս կլինի կոմբինատի հոգաբարձուների խորհրդի անդամ:
Որքանով է հնարավոր, որ Ավինյանը հետագայում կդառնա հոգաբարձուների խորհրդի նախագահ, ժամանակը ցույց կտա:
Հիշեցնենք՝ գերմանական «Քրոնիմետ» ընկերությունը դուրս մղվեց Զանգեզուրի պղնձամոլիբդենային կոմբինատի բաժնետերերի ցանկից՝ իր մասը զիջելով ռուսական պատրոնաժով աշխատող, «Գեոպրոմայնինգի» դուստր Արդյունաբերական ընկերությանը: Կոմբինատի գլխավոր տնօրենի աթոռը թափուր է:
Այս ամենին զուգահեռ ԶՊՄԿ-ի բաժնետոմսերի 15 տոկոսի փայատերն է ՀՀ կառավարությունը, մինչդեռ Արդյունաբերական ընկերությունը, որն իր 60 տոկոսից 25-ը տվել է Հայաստանին, պետությունից ավելի մեծ բաժին ունի՝ 35 տոկոս:
Նշենք նաև, որ այս պարագայում մեծ է հավանականությունը, որ հետագայում բաժնետոմսերի մեծ բաժինը վաճառվի իշխանամետ գործարարներից մեկին, ինչը կնշանակի, որ տեղի է ունենում սեփականության վերաբաշխում:
Հետևեք մեզ Viber-ում
