Իշխանությունը՝ խորհրդարանական նոր ընտրությունների նախաշեմին

Հոկտեմբերի 17-ի ՏԻՄ ընտրությունների արդյունքները սառը ցնցուղ էին իշխանությունների համար, վեցը խոշոր համայնքներում անցկացված ընտրություններից ընդամենը երկուսում է իշխանության թեկնածուն հաղթել, դրանցից մեկը Դիլիջանն է, որտեղ իշխանությունը կարելի է ասել առանց մրցակիցի էր մնացել, Հայրենիք կուսակցության թեկնածուն ըստ տեղացիների չափազանց թույլ էր, հաղթել է նաեւ Տեղ համայնքում, թեկնածուն Սյունիքի մարզպետի քրոջ որդին է, ընտրություններին վաղ առավոտից այս գյուղի մասին ահազանգում էին, որ ուղղորդված քվեարկություններ են լինում, գումար են բաժանում եւ այլն: Մնացած համայնքներում ՔՊ-ականները պարտվել են, իսկ Տաթեւում 50 տոկոսը չեն հաղթահարել:
Ամենահետաքրքրականն, անկասկած, Գորիսի եւ Գյումրիի ընտրություններն են: Գյումրիին արդեն անդրադարձել ենք, իսկ Գորիսում ի տարբերություն մնացած համայնքների, Առուշ Առուշանյանը բացարձակ առաջատարն էր, նա 60 տոկոսից ավել ձայն, եւ այն էլ կալանավայրում գտնվելով, երբ արդեն մի քանի ամիս է պետական ողջ մեքենան նրա դեմ է աշխատում եւ հանուն իշխանության թեկնածու Վլադիմիր Աբունցի:

Փաստն այն է, որ սյունեցիները ռեալ գնահատեցին անվտանգային խնդիրները եւ խորհրդարանական ընտրություններից երեք ամիս անց ուղղեցին իրենց սխալը:
Հիշեցնենք, որ հունիսին Քաղպայմանագիրն այս մարզում ստացել է 53,91 տոկոս, իսկ այսօր երեք խոշոր համայնքներում ՔՊ-ն պարտվել է, խոսքը Գորիսի, Գյումրիի եւ Մեղրիի մասին է։ Ընդ որում՝ Գորիսում Առուշ Առուշանյանը իշխանությանը հաղթել է ոչ ստանդարտ իրավիճակում, բերդում նստած հաղթել է թիկնազորով շրջող Փաշինյանին:
Հայաստան դաշինքի պատգամավորները հիշեցնում են նաեւ, որ հունիսի ընտրություններին Սյունիքում ընտրողների մասնակցության ցուցանիշն աննախադեպ բարձր էր, ինչը եւս նշանակում է, որ այստեղ մարդկանց խմբերով բերել են քվեարկության, հիշեցնենք, որ Սյունիքում, մասնավորապես Շուռնուխում էին քվեարկել նաեւ սահմանապահ զորքերը, սրանով է պայմանավորված, որ հունիսին իշխանությունը տկոսներ էր խփել Սյունիքում:

Սա նշանակում է ոչ խորհրդարանական ընտրությունները ամենեւին էլ չեն արտահայտում ժողովրդի տրամադրությունները, վարչական ռեսուրսով, թաղային հեղինակություններով, զինծառայողների քվեարկությամբ իշխանությունը կարողացել է ձայներ ապահովել, իսկ հիմա լոկալ պայքարի ժամանակ դա հնարավոր չեղավ անել եւ մենք տեսանք, թե սյւոնեցին ինչպես է մերժում Նիկոլին: Եթե անգամ խորհրդարանական ընտրություններին իշխանությանը ձայն են տվել, ապա այս ընթացքում հասցրել են հիասթափվել՝ տեսնելով անպաշտպան սահմաններ, չվերադարձած գերիներ, ծանր վիճակ։
Հետեւաբար , ի հեճուկս իշխանականների հավաստիացումները, քաղաքական ճգնաժամը չի վերացել եւ մի քանի ամսից նոր համապետական ընտրությունների կարիք է զգացվելու:

Անի Սահակյան