Նիկոլ Փաշինյանն օրինականացրեց իր անձի պաշտամունքը
Հեղափոխության օրերին Սերժ Սարգսյանի լուսանկարները պատերից հեռացրած իշխանության ներկայացուցիչները երեքուկես տարի անց իրենց աշխատասենյակներում պետական սիմվոլների կողքին փակցնում են վարչապետ Նիկոլ Փաշինյանի լուսանկարը։ Շաբաթներ առաջ այն առաջինը նկատվեց ԱԺ պաշտպանության և անվտանգության հարցերի մշտական հանձնաժողովի նախագահ , ամենամեծ քծող Անդրանիկ Քոչարյանի աշխատասենյակում։ Քոչարյանը, սակայն, միակ պատգամավորը չէ, ում գլխավերևում Փաշինյանի լուսանկարն է։ Շեֆին շուքի տակ բառի բուն իմաստո ապրում եւ աշխատում են «Քաղաքացիական պայմանագիր» խմբակցության տասնյակ պատգամավորներ, որոնք հրապարակավ խոստովանեցին այդ մադին: Խորհրդարանի իշխող մեծամասնության ներկայացուցիչները թեև վստահեցնոււմ էին, որ նկարը փակցնելու ցուցում չեն ստացել, ավելին դրանում վատ բան չեն տեսնում, քանի որ կախել են ոչ թե պետության եկավարի, այլ քաղաքական թիմի առաջորդի նկարը, սակայն շաբաթներ անց գաղտնիքը բացվեց եւ պարզ դարձավ, որ այնքան էլ պատահականորեն չէին բոլորը միաժամանակ լուսանկարը փակցրել իրենց աշխատասենյակներում:
ՊԵԿ նախագահ Ռուստամ Բադասյանն այսօր լրագրողների հետ ճեպազրույցում ասաց, որ վարչապետ Նիկոլ Փաշինյանի լուսանկարն իր աշխատասենյակում էլ է փակցված, քանի որ կարգն է այդպես։ «Այո, փակցված է ՀՀ վարչապետի լուսանկարը, որովհետև այդպիսին է սահմանված նոր կարգը, այդպիսի ընթացակարգեր կան։ Որևէ օրենսդրական կարգավորում չկա, ուղղակի այդպես է հիմա ընդունված, և այդ կարգը պահպանվում է։ Բնականաբար, կառավարությունում է որոշվել այդ կարգը»,- նշեց նա։Սա, ինչ խոսք, նորություն է, քանի որ մինչ այս տպավորություն էր, կամ ավելի ճիշտ՝ ՔՊ-ականները հայտարարում էին, որ իրենց հայեցողությամբ են աշխատասենյակներում փակցնում Նիկոլ Փաշինյանի լուսանկարը: Հիմա պարզվում է, որ հենց Փաշինյանն է տվել նման դաբրոն,ավելի ճիշտ նա է պարտադրել եւ կառավարության նախաձեռնությամբ է պաշտոնյաներին պարտադրվում աշխատասենյակների պատերը զարդարել վարչապետի նկարով:
Մինչդեռ 2018-ի իրադարձություններից առաջ հենց Նիկոլ Փաշինյանն էր խորհրդարանի ամբիոնից տարբեր առիթներով և ամենակոշտ հռետորաբանությամբ քննադատում Սերժ Սարգսյանի լուսանկարը պատերից փակցնելու պրակտիկան։
Իսկ հիմա Փաշինյանը փաստացի կառավարության որոշման մակարդակով է առաջ մղում սեփական անձի պաշտամունքը
Գուցե մարդկանց թվա, թե նկար կախելը փոքր խնդիր է երկրի անվտանգային մարտահրավերների ֆոնին, բայց հենց այս ճանապարհն է, որ տանում է դեպի ժողովրդավարական հիմքերի խարխլում։
Հիշեցնենք` կառավարության նախորդ նիստից հետո ՀՀ արդարադատության նախարար Կարեն Անդրեասյանը հայտնել էր, որ իր աշխատասենյակում փակցված է Փաշինյանի լուսանկարը։
Նախարարն ասել էր նաև, որ նայելով լուսանկարին` հիշում է, որ պետք է լինել ազնիվ, անաչառ և պահպանել այն բոլոր պահանջները, որ իր առաջ դրել է վարչապետը։ Փաստորեն կառավարության չինովնիկները բացառությամբ Ռուստամ Բադասյանի երեսպաշտ շողոքորթներ են եւ միայն ՊԵԿ ղեկավարն է ակնարկում, որ դա ոչ թե իր ցանկությամբ, այլ պարտադիր որոշմամբ է եղել:
Անի Սահակյան
Հետևեք մեզ Viber-ում
