Ուսապարկ, թե՞ բուլդոկ

Խորհրդարանի թիվ մեկ ուսապարկ, ՔՊ պատգամավոր Վահագն Ալեքսանյանը երեկ ի պատասխան հարցի, որ երկրում խոսքի ազատույան եւ ժողովրդավարության ակնհայտ դեֆիցիտ է նկատվում, ով խոսում է, իշխանությունը պողպատյա մուրճով տալիս է գլխին, ցուցադրել է իր տկարամիտությունը. «Ասում եք՝ ով բերանը բացում է՝ մուրճով տալիս եք գլխներին: Դուք ձեր բերանը հաճախ եք բացում, բայց ես ձեր գլխին մուրճի հետքեր չեմ տեսնում», պատասխանելով հարցին՝ ասել է նա: Ի դեպ, ՔՊ-ական պատգամավորներին ուսապարկի հետ համեմատության հեղինակային իրավունքը հենց Ալեքսանյանինն է, այս անձնավորությունն, անշուշտ, ամենադիպուկը բնութագրեց իր գործընկերներին, իհարկե, ինքը ՔՊ-ից հեռացողներին նկատի ուներ, բայց իրականում այն բոլորին է վերբերում, ավելի դիպուկ բնորոշում, ի դեպ, դժվար էր պատկերացնել: Դե, մարդը բոլորից լավ գիտի սեփական կշիռը, պոտենցիալը եւ ըստ էության ինքնախոստովանական ցուցմունք է տվել: Հիմա այս սահմանափակ պատասխանատվությամբ ուղեղային զանգվածի տնօրենը ցինիզմի մաստեր կլաս է ցուցադրել, թե բա ձեր գլխին մուրժի հետքեր չկան: Այս անձավորությամ գլխում տեղավորված մտածելու օրգանը հավանաբար իրերն ու երեւույթներն ընկալում է բացառապես ուղիղ իմաստով, հավանաբար իր քառանկյուն գլխի վրա մի քանի անգամ նման հարվածներ է ստացել, օրինակ, երբ դեռ ԲՀԿ-ի ակտիվիստ էր, ու Ծառուկյանի բարեգործական նպատակով բաժանվող այլուրն էր ըստ մամուլի տեղեկությունների գողանում, կամ ՔՊ տեղափոխվելուց հետո այն արտահայտության համար, որ ԲՀԿ-ական շարքերում Ալեն Սիմոնյանին մարմնավաճառ էր անվանել եւ պնդել, որ մեկ անգամ մարմնավաճառը հավերժ մարմնավաճառ է։
Թեպետ մյուս կողմից՝ այլ պատասխան հնարավոր էլ չէր սպասել Փաշնյանի անձնական օգտագործման պարկից: Ակնհայտ է, որ պատգամավորական մանդատ ստացած այս ախրանիկային կազմվածքով անձնավորության գործառույթը բոլորովին այլ է: Օրինակ մեկ պատրաստ է ծաղրածուի դեր ստանձնել, լրագրողների ուշադրությունը սեւեռել իր վրա, որպեսզի միջանցքի այդ հատվածով կարողանա անցել իր կապիտուլանտ շեֆ Նիկոլ Փաշինյանը ու չհայտվի լրագրողների օղակում, մեկ տեսնում ենք, որ բուլդոկի գործառույթ է ստանձնում եւ ֆաս հրահանգով հարձակվում ընդդիմադիր պատգամավորների վրա՝ բառիս ամենաուղիղ եւ փոխհաբերական իմաստով: Որ նա Փաշինյանի գրած տեքստերի ընթերցողներից մեկն է, դրանում երկու կարծիք չկա, բայց հիշում ենք, որ նա էր, ով հարձակվեց ու հարվածեց ընդդիմադիր պատգամավոր Վահե Հակոբյանին: Ուստի վարժեցրած այս անձնավորությունից դժվար այլ բան սպասել:
Ու մինչ թիվ մեկ ուսապարկը փորձում էր աչքի ընկնել իր տկարամտությամբ, Հ բարձր դատարաը ընդունեց հերթական որոշումը, որով եւս մեկ քայլ հետընթաց է լինելու խոսքի ազատության առումով: ՍԴ-ն անփոփոխ թողեց վիրավորանքի ու զրպարտության համար պատժաչափերի ավելացմա համար ուսապարկերի ընդունած վերջին նախագիծը եւ այն կմտնի ուժի մեջ՝ մահակ դառնալով ազատ խոսքի ու ԶԼՄ-ների գլխին:

Անի Սահակյան