Արտակարգ իրավիճակ ԱԺ պատգամավոր Սամվել Ալեքսանյանի տան մոտ . ՖՈՏՈՌԵՊՈՐՏԱԺ

Այսօր՝ հունիսի 30-ին, արտակարգ դեպք է տեղի ունեցել Երևանում: Ժամը 01:00-ի սահմաններում Արտակարգ իրավիճակների նախարարության Փրկարար ծառայության օպերատիվ կառավարման կենտրոն ահազանգ է ստացվել, որ Մալաթիա-Սեբաստիա վարչական շրջանի Շրջանային փողոցի թիվ 6 տան հարևանությամբ գտնվող բետոնե հենապատը փլուզվել է, կա վտանգ, որ մի հատված էլ կփլուզվի: Ինչպես դեպքի վայրից հայտնում է ֆոտոլրագրող Գագիկ Շամշյանը, նշված վայր են ժամանել ԱԻՆ ՓԾ թիվ 1 հրշեջ փրկարարական ջոկատը՝ 1 մարտական հաշվարկով, ժամանել են նաև ԱԻՆ ՓԾ Ճգնաժամային կառավարման ազգային կենտրոնի օպերատիվ խումբը Ալիկ Սարգսյանի գլխավորությամբ: Ֆոտոլրագրողը հայտնում է, որ մոտ 190 մետր բետոնե հենապատը փլուզվել է, փակելով հետիոտների համար անցուցուդարձի ճանապարհը և երջանիկ պատահակունություն է, որ այդ պահին նշված վայրում անցորդներ չեն եղել, իսկ հարևաններն էլ ասում էին. <<Երեխաները այս հատվածում են խաղում, ու միշտ մարդիկ են գնում գալիս, երևի Աստծո կամոք էր, որ այդ պահին մարդիկ չեն եղել, հակառակ դեպքում զոհեր կունենայինք>>: Գ. Շամշյանը հայտնում է, որ փլուզնան հետևանքով վնասվել է Արթուր Առաքելյանին պատկանող ավտոմեքենան, թե ո՞վ է փոխհատուցելու քաղաքացու կրած վնասը դեռևս պարզ չէ: Հենապատի փալուզման հետևանքով երևում է արդեն, որ այդ հատվածում տիրում է հակասանիտարական վիճակ ու գարշահոտություն, մինչ դեռ Մալաթիա-Սեբաստիա վարչական շրջանի ղեկավարի աշխատակազմի կոմունալ և սանմաքրման ծառայությունների աշխատակիցները միթե չգիտեն այդ բարձիթողի վիճակի մասին, երբ իրենց վարչական շրջանում ստեղծվել է <<մինի>> աղբանոց: Լուսանկարները՝ Գագիկ Շամշյանի