Նիկոլի ջրված խոստումը․ թանկացման տոկոսը հայտնի է, կորուստների նվազեցման տոկոսը՝ գաղտնի

Նիկոլ Փաշինյանի խոստացած լուսավոր ապագայի համատեքստում հունվարի 1-ից ջրի գինը կթանկանա։ «Վեոլիա ջուրը» արդեն իսկ հայտ է ներկայացրել հանձնաժողովին՝ առաջարկելով ջրի սակագինը գործող 188 դրամի փոխարեն սահմանել 224 դրամ: Այսինքն՝ 1 խորանարդ մետր ջրի սակագինը կբարձրանա 43.7 դրամով։
«2022 թվականի համար արդեն իսկ ջրի բազիսային գինը, դեռեւս հաշվի չառած գնաճը, ջրի ծավալների փոփոխությունը, էլեկտրաէներգիայի սակագնի փոփոխությունը, 214 դրամ է: Այսինքն այդտեղ արդեն իսկ ունենք 34 դրամի ավելացում: Հայտը մուտք է եղել օգոստոսի սկզբներին, հիմա իրականացվում է մոնիտորինգ:
Նաև քննարկում ենք վարձակալության պայմանագրի սցենարում փոփոխությունների հնարավորությունը: Բանակցում ենք «Վեոլիա ջրի» հետ առաջիկա 10 տարում հաստատուն գնային քաղաքականություն ունենալու համար: Այսինքն կունենանք հաստատուն որոշակի գին 10 տարվա համար: Հիմա այդ թվի շուրջ ենք բանակցում»,- հայտարարել է Հանրային ծառայությունները կարգավորող հանձնաժողովի նախագահ Գարեգին Բաղրամյանը։ Նա նաեւ տեղեկացրել է, որ անապահով խավը ներկայացնող շուրջ 100 հազար բաժանորդի համար սակագինը չի բարձրանա։ Թանկացումը սակայն կտարածվի սպառողական լայն շրջանակի վրա։
Լրագրողներից մեկը հիշեցրել է, որ 2019 թ-ին Նիկոլ Փաշինյանը հայտարարել էր, որ «Վեոլիա ջուր» ընկերության հետ պայմանավորվել են, որ մինչեւ 2024 թվականը ջրի սակագինը չի բարձրանա: Գարեգին Բաղրամյանն այս առանչությամբ ասել է, թե իրենք կարող էին մինչեւ 2035 թվական էլ չբարձրացնել ջրի սակագինը՝ Ղ գումարները չվճարելով: Օրինակ, կառավարությունը կարող է գումարները չպահանջել կամ նվազեցնել։
Լրագրողներից մեկը հիշեցրել է, որ 2019-ին Նիկոլ Փաշինյանը հայտարարել էր, որ «վեոլիա ջուր» ընկերության հետ պայմանավորվել են, որ մինչեւ 2024 թվականը ջրի սակագինը չի բարձրանա: Գարեգին Բաղրամյանն ի պատասխան ասաց. «Մենք կարող ենք մինչեւ 2035 թվական էլ չբարձրացնել ջրի սակագինը՝ համապատասխան վարձակալության գումարները չվճարելով: Կարող է կառավարությունը չպահանջել այդ գումարները կամ նվազեցնել, փոխարենը հնարավոր կլիներ սակագինը թողնել անփոփոխ>>,- ասել է նա: Ըստ նրա՝ այժմյան 188 դրամ սակագինը երեք տարի չի փոխվել համապատասխան չափով վարձակալության վճարների նվազեցման, այսինքն՝ պետական բյուջեի հաշվին:
Հիմա առաջարկվում է առանց բյուջեի նվազեցման՝ բարձրացնել սակագինը՝ տարիների մեջ տեղաբաշխում անելով։ Ակնկալվում է, որ արդեն 2026 թվականից տեղի կունենա ջրի սակագնի նվազում։
Հատկանշական է սակայն, որ բարձրացման մասին խոսելիս և դրա անհրաժշտությունը հիմնավորելիս ՀԾՀ նախագահը բառ անգամ չի ասել այն մասին, թե բարձրացման արդյունքում քանի տոկոսով են կրճատվելու ջրի կորուստները, որոնք տարբեր հաշվարկներով մոտ 70 տոկոս են կազմում։ Ընդ որում կորուստների նվազեցումը Վիոլա ջուր ընկերության պայմանագրային պարտավորությունն է։
Ջուրն ազգային հարստություն է և 70 տոկոս գերկորուստների պայմաններում անհնար է հաշվարկել դրա օպտիմալ մատակարարման սակագինը։ Ավելին, որևէ հաշվարկով հիմնավորված չէ կորուստների նվազեցման կարևորությունը։

Ինչպես կասեր դասականը՝ սա Նիկոլի թիվն է, րի թանկացման տոկոսը հայտնի է, կորուստների նվազեցման տոկոսը՝ գաղտնի։

Հայկ Դավթյան