4-ամյա փոքրիկը դատապարտվել է ցմահ ազատազրկման
Եգիպտոսի էլ-Ֆայոմ նահանգի 4 տարեկան բնակիչը` Ահմեդ Մանսուր Կարնի (Ahmed Mansour Karni) անունով Արևմտյան Կահիրեի դատարանի դատավճռով սպանության համար դատապարտվել ցմահ ազատազրկման: Դատավճռի համաձայն, սպանությունը կատարվել է երկու տարի առաջ, երբ երեխան ընդամենը երկու տարեկան էր: Ըստ աղբյուրի, Կարնին, որը սպառնալիք է ներկայացրել պետության անվտանգությանը, ներկա չի գտնվել դատարանում, և դատավարությունն ընթացել է նրա բացակայության պայմաններում: «Վճռի համաձայն, երեխան մեղադրվում է սպանությունների, ութ անգամ սպանության փորձ կատարելու, Եգիպտոսի առողջապահության նախարարությանը պատկանող գույքի, ինչպես նաև զինվորների գույքի նկատմամբ վանդալիզմի մեջ», -գրում է լրատվամիջոցը: Երեխայի փաստաբան Ֆայսալ ա-Սայդը (Faisal a-Sayd) կարծիք է հայտնել, որ հնարավոր է` դատավորը չի կարդացել գործի նյութերը: «Երեխայի ծննդյան վկայականը ներկայացվել է այն բանից հետո երբ նրա անունը ընդգրկվել է հետախուզվող հանցագործների ցանկում, բայց հետո գործը փոխանցվել է ռազմական դատարան, իսկ դատարանն էլ գործը լսել է առանց իր ներկայության», -հավելել է փաստաբանը: Համացանցում կատարվածը բողոքի մեծ ալիք է բարձրացրել. մարդիկ տարակուսած են` ինչպես կարող է նման բան պատահել, տեղեկացնում է բրիտանական The Daily Mirror պարբերականը:
Հետևեք մեզ Viber-ում
