Կա՞ երաշխիք՝ ադրբեջանցիները հայ բեռնափոխադրողներին էլ չեն կանգնեցնի. մեկնաբանում է Բադասյանը (video)
Մենք ՀՀ տարածքով բեռնափոխադրումներ իրականացնողների կարիքների մասին ամենօրյա, ամենժամյա ռեժիմով դիտարկումներ իրականացնում ենք եւ կապի մեջ ենք: Այս մասին, այսօր՝ սեպտեմբերի 29-ին, լրագրողների հետ զրույցում նշեց ՊԵԿ նախագահ Ռուստամ Բադասյանը՝ անդրադառնալով Գորիս-Կապան ճանապարհի շուրջ ստեղծված իրավիճակին:
Դիտարկմանը, որ ադրբեջանցիները իրանցի վարորդներին են կանգնեցնում եւ մաքսատուրք գանձում, կա՞ երաշխիք, որ հետագայում նույնը չեն անի նաեւ հայ վարորդների նկատմամբ, Բադասյանը պատասխանեց. «Ես հարցի կապակցությամբ բոլոր հնարավոր մեկնաբանություններն արեցի: Շատ ուշադիր պետք է լինենք մեր հարցադրումներին, պատասխաններին եւ հավելյալ լարում մեր տնտեսվարողների համար չառաջացնենք: Ունենք փաստացի ստեղծված իրավիճակ, դրա վերաբերյալ կառավարությունը միջոցներ ձեռնարկում է եւ եթե-ով հավելյալ խնդիրների մասին խոսելու եւ տնտեսվարողներին բացասական ազդակ հաղորդելու կարիքը չեմ տեսնում»:
Նշենք, որ Գորիս-Կապան ճանապարհի 21 կմ-անոց հատվածը վերահսկում են ադրբեջանցիները, որոնք մաքսատուրք են գանձում իրանցի վարորդներից:
Հետևեք մեզ Viber-ում
