Ներիշխանական սկանդալ է հասունանում

Անցած շաբաթ Արցախի գլխավոր դատախազությունը հայտնեց, որ մի քանի հյուրանոց խարդախությամբ պետությունից հափշտակել են առանձնապես խոշոր չափերի գումար:

«ԱՀ ազգային անվտանգության ծառայության կողմից ստացված օպերատիվ տվյալների իրացման արդյունքում պարզվել է, որ ԱՀ տարածքային կառավարման նախարարության և առևտրային կազմակերպություն հանդիսացող սահմանափակ պատասխանատվությամբ ընկերության միջև կնքված` ԱՀ տեղահանված քաղաքացիներին հիշյալ ընկերությանը պատկանող հյուրատանը տեղավորելու տեսքով արտահայտված ծառայությունների մատուցման պայմանագրերի հիման վրա 2020թ․ նոյեմբեր ամսից մինչև 2021թ. օգոստոս ամիսն ընկած ժամանակահատվածում պայմանագրերով նախատեսված` իրավաբանական նշանակություն ունեցող փաստ հաստատող պաշտոնական փաստաթղթերում ներկայացվել են կեղծ տեղեկություններ մատուցված ծառայության չափի` տեղահանված բնակիչների քանակի մասին, որի միջոցով պետությունից խարդախությամբ հափշտակվել է առանձնապես խոշոր չափ կազմող ընդհանուր 15.364.800 դրամ գումար», ասվում էր սեպտեմբեր 20-ին տարածած հաղորդագրությամբ: Դրանից մի քանի օր առաջ էլ ԱՀ դատախազությունը հայտնել էր նմանատիպ մեկ այլ խարդախության մասին, որով պետությունից հափշտակվել էր 19,5 մլն դրամ գումար:

Խարդախությա հատկանիշներով քրեական գործ է հարուցվե եւ ըստ հաղորդագրության՝ նախաքննությունը պարզել է, որ թվեր են ուռճառվել տեղահանվածների եւ պետական բյուջեից գումար կորզել:
Հիշեցնենք, որ տարածքային կառավարման նախարարը ոչ վաղ անցյալում ընդդիմադիր գործիչ Հայկ Խանումյանն է, որն այդ պաշտոնում նշանակվեց պատերազմից հետո, նա եւ Մանե Թանդիլյանը Նիկոլ Փաշինյանի հրահանգով նշանակվեցին, քանի որ Արցախում ներկայացնում են սորոսական թեւը: Փաստացի կոռուպցիոն այս սկանդալը ուղղակիորե առնչվում է Հայկ Խանումյանին, որի մասին վերջին օրերի մամուլում եւս հրապարակումներ եղան, որ Խանումյանի խորհրդականն է անմիջապես համակարգել տեղահանվածեր տեղավորման խնդիրը, հետեւաբար չէր կարող Խանումյանն այդ մասին տեղյակ չլիներ, եթե չասենք, որ նրա հովանավորչությամբ է կոռուպցիոն սխեման գործել: Ճիշտ այնպես, ինչպես Արայիկ Հարությունյանի իմացությամբ ու թողտվությամբ է դատախազությունը գործընթաց սկսել տվյալ նախարարության դեմ եւ հանրայնացրել այդ ամենը:

Հավանաբար Արայիկ Հարությունյանը զարմացել է, որ իրենից կոռուպցիոներն էլ կա, որը կարող է իրեն թույլ տալ անգամ տեղահանվածների հաշվին գումար աշխատել, այն դեպքում, երբ պատերազմից հետո Արցախում հազարավոր խնդիրներ կան…Ու որոշել է ծածկադմփոց չանել իր կողմից նշանակված նախարարի գործողությունները:
Բայց  սեպտեմբերի 28-ին, նա խորհրդակցություն է հրավիրել, որի ընթացքում ըստ տարբեր աղբյուրներից ստացված տեղեկության՝ քննարկվել է նաեւ այդ հարցը եւ հրահանգել է հնարավորինս անաղմուկ տանել գործընթացը, որովհետեւ Հայաստանից նման հրահանգ է ստացել:
Բայց ինչպես ասում են՝ ջինը շշից դուրս է եկել , Խանումյանն արդեն սկանդալի կենտրոնում է, ով իր հերթին իրավապահ մարմիններին մեղադրում է զրպարտչական նյութեր տարածելու մեջ, նախարարությունը պատասխան հաղորդագրությամբ «դեղին մամուլ» բնորոշեց դատախազությանն ու քննչական մարմնին: Ինչպես կավարտվի կոռուպցիոն այս սկանդալը, առաջիկայում ըստ էության պարզ կդառնա, սակայն եթե Արայիկ Հարությունյանը Փաշինյանի մոտ նախագահ չաշխատեր, հիմա առնվազն պետք է դադարեցներ Խանումյանի լիազորությունները՝ նախքննական մարմնի վրա նշոմներ չգործադրելու, այն է՝ պաշտոնական լիազորությունները չչարաշահելու նկատառումով:

Անի Սահակյան