Գաղտագողի ճանապարհը.Փաշինյանը չի կարողանում մաքրվել պատերազմի արյունից

44-օրյա պատերազմից մեկ տարի անց Նիկոլ Փաշինյանը չի կարողանում իր վրայից մաքրել արյան հետքերը, չի կարողանում հաղթահարել իր վախերը, նա հասկանում է, որ այն, ինչ կատարվեց մեկ տարի առաջ իր դավաճանության հետեւանքն էր:
Սրանք լոկ խոսքեր չեն, զրպարտանք՝ ուղղված Նիկոլ Փաշինյանին, ասվածն իրականություն է, որն ամեն օր ապացուցում է Նիկոլ Փաշինյանն իր գործողություններով՝ ցույց տալով իրական վախերը եւ փակելով բոլոր այն ճանապարհները, որոնք ցույց կտան իր դավաճանության պատկերը: Սրանով է պայմանավորված նաեւ խոսքի ազատությանն ուղղված սահմանափակումները, որն ամեն օր կիրառում է այս իշխանությունը: Թեպետ Նիկոլ Փաշինյանն ու իր թիմը հայտարարում են, որ ժողովուրդն իրենց վստահության քվե է տվել, ի տարբերություն քաղաքական ուժերի, գործիչների, կամ այլ կերպ ասած՝ նախկինների ու նրանց համակիրների, չի համարում դավաճան ու հողաու, սակայն իրականությունն այն է, որում ապրում ենք բոլորս ու գիտենք, թե ինչպես են ընտրությունները մուկուչյանաբար կեղծվել, դա հասկանում է նաեւ Նիկոլ Փաշինյանը ու սրանով է այմանավորված, որ պատերազմի առաջին տարելիցի օրը նա առավոտ կանուխ՝ 7-ին է այցելում Եռաբլուր եւ այն էլ բազմաթիվ ախրանիկների ուղեկցությամբ:

Այս մարդը հասկանում է, որ իրականում ինքը չունի իշխանություն, հասկանում է, որ իր վրայից դաժան պատերազմի արյունը չի մաքրվել , դժվար էլ երբեւէ մաքրվի եւ որ ինքը չունի այն լեգիտիմությունը, որը նկարվել է հունիսի 20-ին: Հակառակ դեպքում Նիկոլ Փաշինյանը ահաբեկված չէր ապրի, միայնակ ու վախվորած Եռաբլուր ոտք չէր դնի: Ընդ որում՝ այնքան վախվորած եւ անադեկվատ էր, որ ԶԼՄ-ն երն էլ ֆիքսել էն, թե ինչպես էր ծաղկեփնջերը ոչ թե շիրիմnերի վրա խոնարհում, այլ դնում էր շիրիմներից հեռու՝ ցեմենտբետոնի վրա:

Ի հակադրություն սրա մեկ օր առաջ Ռոբերտ Քոչարյանի գլխավորած բազմահազարանոց երթ տեղի ունեցավ՝ Գարեգին Նժդեհի հրապարակից դեպի Եռաբլուր: Իշխանությունների կողմից հրեշավոր համբավի արժանացած Քոչարյանն ի տարբերություն Փաշինյանի գաղտագողի չայցելեց Եռաբլուր: Իսկ առհասարակ երթը հիշատակի օրվան էր նվիրված, բայց բավական մեծ խորհուրդ էր կրում: Սա ցույց տվեց, որ չնայած ընտրություններին, Հայաստանում քաղաքական ճգնաժամը չի հանգուցալուծվել, տասնյակ հազար մարդ է կանգնում ընդդիմության կողքին, պայքարի էջը փակված չեն համարում: Ու եթե ոչ այսօրվա խորհրդարանական ընդդիմությունը, վաղը հայտնվելու են մարդիկ, որոնք պատասխանատվության առջեւ են կանգնեցնելու Նիկոլ Փաշինյանին ու իր իշխանությանը:
Մի մարդու, ով գնում եւ Եռաբլուրում խոնարումի թատրոն է ցուցադրում, ապա վերադառնում է աշխատանքի՝ իրագործելու Հայաստանն Էրմենիստան դարձնելու իր երազանքը:

Անի Սահակյան