Ուտող ուրացող «շան տղեքը»

Սեպտեմբերի 7-ին ձերբակալվեց, ապա կալանավորվեց ՀՀ նախկին գլխավոր դատախազ Աղվան Հովսեփյանը։
«ՀՀ հատուկ քննչական ծառայությունում քննվող քրեական գործով ձեռք բերված բավարար ապացույցների համակցությամբ հիմնավորվել է, որ Աղվան Հովսեփյանը, 2004 թվականի մարտի 18-ից մինչև 2013 թվականի սեպտեմբերի 13-ը զբաղեցնելով ՀՀ գլխավոր դատախազի, իսկ 2014 թվականի հուլիսի 18-ից մինչև 2018 թվականի հունիսի 11-ը՝ ՀՀ քննչական կոմիտեի նախագահի պաշտոնները, հիշյալ ժամանակահատվածում փաստացի մասնակցել է ձեռնարկատիրական գործունեություն իրականացնող մի շարք ՍՊ ընկերությունների կառավարմանը, բացի այդ ստացել է առանձնապես խոշոր չափերով` 190.000.000 ՀՀ դրամ կաշառք և խարդախության եղանակով կատարել առանձնապես խոշոր չափերով` 800.000.000 ՀՀ դրամ գույքի հափշտակություն: Ա. Հովսեփյանին մեղադրանք է առաջադրվել նաև հանցավոր ճանապարհով ստացված առանձնապես խոշոր չափերով` ընդհանուր 1.299.404.414 ՀՀ դրամ գույքը (փողերի լվացում) օրինականացնելու համար»,- նշված էր ՀՔԾ տարածած հաղորդագրությունում։ Նրա պաշտպանները հայտարարել են, որ Աղվան Գառնիկիչի վրա անհիմն գործ է կարված՝ քաղաքական նկրտումներից ելնելով եւ անգամ դատարանն է հիմնավորել, որ նա փախուստի չի դիմի, բայց տվել է կալանքի սանկցիա ինչը ապացույց է Հովսեփյանի նկատմամբ ինչ-ինչ հաշվեհարդարի կամ քաղաքական հարցեր լուծելու սցենարի մեջ է տեղավորվում։ Մասնավորապես, օրերս Գառնիկիչի պաշտպանությունը ստանձնած Էրիկ Ալեքսանյանը հայտարարեց. «Պարոն Հովսեփյանին առաջադարված մեղադրանքները ոչ միայն ապօրինի են և ունեն քաղաքական դրդապատճառներ, այլև այդ մեղադրանքների փաստական նկարագրությունները մեղադրանքի իրավաբանական կողմի հետ գտնվում են խիստ անհամապատասխանության մեջ, որի մասին մոտ օրերս առիթ կունենամ հանրությանն ավելի մանրամասն տեղեկատվություն հաղորդել»։

Ակնհայտ է, որ Աղվան Հովսեփյանի դեմ քաղաքական գործ է կարվել, իսկ դերձակները նրա աշակերտներն են, ավելի ճիշտ, մարդիկ, որոնք իրենց կարիերայի եւ առաջընթացի համար պարտական են Աղվան Հովսեփյանին՝ սկսած գլխավոր դատախազ Արթուր Դավթյանով, ով Գառնիկիչի օրոք է հասել բարձր պաշտոնների, ՀՔԾ պետ Սասուն Խաչատրյանով, ում եւս Աղվան Հովսեփյանն է համակարգ տարել, վերջացրած Հհովսեփյանին դատող դատավոր Մացական Մարտիրոսյանով, ում Հովսեփյանը տասնյակ անգամներ է փրկել տհաճ իրավիճակներից եւ այդ մասին գիտե Մարտիրոսյանի ողջ շրջապատը, վերջացրած շարքային քննիչներով:

Այս մարդիկ շատ լավ գիտեն, որ Աղվան Հովսեփյանի դեմ քաղաքական պատվիրատուները մի քանիսն են, ավելի ճիշտ ստալինյան ժամանակների տրոյկայի ձեւաչափով գործող Փաշինյան-Գագիկ Ջհանգիրյան եւ նրա խնամի եռանկյունին, իսկ նպատակը ամբոխին կերակրելու շոուից զատ գումար պոկելն է, ինչպես նաեւ հաշվեհարդարը Ռոբերտ Քոչարյանին աջակցելու համար: Այս մարդիկ լավատեղյակ են, որ Աղվան Հովսեփյանը առողջական լուրջ խնդիրներ ունի, ինսուլին է ընդունում եւ եթե շարունակվի քաղաքական հաշվեհարդարը, նրան գեներալ Մանվելի, Հայացքի խմբագրի ճակատագիրն է սպասվում:
Ի դեպ, եթե Ջհանգիրյանի սիրտը վենդետա է ուզում, ապա կարող ենք թարմացնել իր հիշողությունը, ՀՔԾ պետ Սասուն Խաչատրյանի հայրը, դատավոր Մհեր Խաչատրյանը Մարտի 1-ի գործերով առանցքային դերակատար է եղել, բայց ինչպես տեսնում ենք նա ազատության մեջ է:

Անի Սահակյան