Փաշինյանը գլխատում է վտանգավոր պլաններից առաջ

ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովը կազմակերպել է խորհրդարանական լսումներ «Հայաստանի Հանրապետության վարչատարածքային բաժանման մասին» օրենքում փոփոխություններ և լրացումներ կատարելու մասին» Հայաստանի Հանրապետության օրենքի նախագծի քննարկում» թեմայով:
«Համայնքների խոշորացման և միջհամայնքային միավորումներ ստեղծելու հայեցակարգը մեր երկրում ընդունվել է 2011 թվականին, որից հետո՝ 2016 թվականին, Կառավարության նախաձեռնությամբ, սկսվել է օրենքի կիրառումը:
Նիկոլ Փաշինյանն ու իր թիմակիցները անցած երեք տարիներին առիթ ունեցել են հայտարարելու, որ այդ բաժանումը, կամ նույն ինքը՝ համայնքների խոշորացումը նախկինները քաղաքական նպատակներով են իրականացրել, իրենք զերծ են մնալու նման քայլից եւ նայելու են ըստ նպատակահարմարության՝ եթե իսկապես այդ խոշորացումը օգուտ տալու է համայնքին, խոշորացնելու են:

Սակայն այսօր խորհրդարան են ներկայացրել խոշորացման մի լայնամասշտաբ ծրագիր, համաձայն որի նախատեսում է ՀՀ 441 համայնքները միավորել և դարձնել 37 խոշորացված համայնք, այսինքն՝ վերադարձ է կատարվելու խորհրդային միության նախկին շրջանների համակարգին:
Տարածքային կառավարման մշտական հանձնաժողովի նախագահ,  Նիկոլ Փաշինյանի եղբայր Վահե Ղալումյանը համայնքների խոշորացումը բնութագրեց որպես դրական գործընթաց, բայց այդպես էլ չկարողացավ հիմնավորել, թե որն է այստեղ դրականը, ասաց միայն խոշորացված համայնքներն առավել արդյունավետ են կարողանում ծախսել իրենց միջոցները: Ուշագրավ է, որ լսումներին ներկա չէր պատկան գերատեսչության ղեկավարը, այս ընթացքում մամուլում բազմաթիվ տեղեկություններ են հայտնվել, թե ինչպես է Գնել Սանոսյանը հատկապես Գեղարքունիքում սպառնացել մի շարք համայնքապետերի, բնականաբար՝ ընդդիմադիր, որ շուտով ձեր հարցերը լւծելու ենք խոշորացման ճանապարհով, թերեւս այս պատճառով է հրաժարվել ներկա գտնվել՝ խուսափելով խայտառակ առերեսումից:

Փոխարենը ներկա ոչ իշխանական համայնքապետերը պարզապես մերկացրեցին իշխանությանը: Ուրցաձորի եւ Գեղամասարի համայնքապետերը, որոնցից առաջինը ՀՀԿ-ի աջակիցն է, երկրորդը՝ Ռոբերտ Քոչարյանի, հայտարարեցին, որ խոշորացման իրական նպատակն անցանկալի համայնքապետերից ազատվելն է: Երեք տարի շարունակ Նիկոլ Փաշինյանը փորձեր կատարե, բայց անհաջող: Օրինակ Ուրցաձորի գյուղապետին պաշտոնանկ արեցին, բայց նոր ընտրություններով կրկին գյուղը նրան ընտրեց: Իշխանությունը առաջիկայում գնալու է ցավոտ լուծումների եւ բնականաբար դիմադրության անկացած օջախ հենց այսօրվանից փորձում է վերացնել: Սյունիքում գլխատեց մի շարք համայնքներ, նրանց ղեկավարներն առ այսօր կալանավորված են, հերթը մյուսներինն է: Մինչ նիստերի դահլիճում քննարկում էին այս հարցը, դահլիճից դուրս Սերգեյ Բագրատյանն արդարացնում էր Փաշինյանի՝ Էրդողանին հանդիպելու առաջարկը, ասելով, որ, այո, պետք է գնալ ապաշրջափակման, հաշտության ճանապարհով: Իշխանական այս խոստովանությունները հասկանալի են դարձնում, թե ինչու են համատարած գլխատում բոլոր ոլորտները ու նշանակումս եփական կամակատարներին, որպեսզի Հայաստանը Էրմինիստան դառնալու ճանապարհին խոչընդոտներ չառաջացնեն:

Անի Սահակյան