Նիկոլի թվի տրոյկան գործի է անցել. հետապնդումների մեկնարկը տրված է

Սեպտեմբերի 7-ին ձերբակալվեց, ապա կալանավորվեց ՀՀ նախկին գլխավոր դատախազ Աղվան Հովսեփյաը։
«ՀՀ հատուկ քննչական ծառայությունում քննվող քրեական գործով ձեռք բերված բավարար ապացույցների համակցությամբ հիմնավորվել է, որ Աղվան Հովսեփյանը, 2004 թվականի մարտի 18-ից մինչև 2013 թվականի սեպտեմբերի 13-ը զբաղեցնելով ՀՀ գլխավոր դատախազի, իսկ 2014 թվականի հուլիսի 18-ից մինչև 2018 թվականի հունիսի 11-ը՝ ՀՀ քննչական կոմիտեի նախագահի պաշտոնները, հիշյալ ժամանակահատվածում փաստացի մասնակցել է ձեռնարկատիրական գործունեություն իրականացնող մի շարք ՍՊ ընկերությունների կառավարմանը, բացի այդ ստացել է առանձնապես խոշոր չափերով` 190.000.000 ՀՀ դրամ կաշառք և խարդախության եղանակով կատարել առանձնապես խոշոր չափերով` 800.000.000 ՀՀ դրամ գույքի հափշտակություն: Ա. Հովսեփյանին մեղադրանք է առաջադրվել նաև հանցավոր ճանապարհով ստացված առանձնապես խոշոր չափերով` ընդհանուր 1.299.404.414 ՀՀ դրամ գույքը (փողերի լվացում) օրինականացնելու համար»,- նշված էր ՀՔԾ տարածած հաղորդագրությունում։ Նրա պաշտպանները հայտարարել են, որ Աղվան Գառնիկիչի վրա անհիմն գործ է կարված՝ քաղաքական նկրտումներից ելնելով եւ անդամ դատարանն է հիմնավորել, որ նա փախուստի չի դիմի, բայց տվել է կայանքի սանկցիա ինչը ապացույց է Հովսեփյանի նկատմամբ ինչ-ինչ հաշվեհարդարի կամ քաղաքական հարցեր լուծելու սցենարի մեջ է տեղավորվում։ Մասնավորապես, օրերս Գառնիկիչի պաշտպանությունը ստանձնած Էրիկ Ալեքսանյանը հայտարարեց:
«Պարոն Հովսեփյանին առաջադարված մեղադրանքները ոչ միայն ապօրինի են և ունեն քաղաքական դրդապատճառներ, այլև այդ մեղադրանքների փաստական նկարագրությունները մեղադրանքի իրավաբանական կողմի հետ գտնվում են խիստ անհամապատասխանության մեջ, որի մասին մոտ օրերս առիթ կունենամ հանրությանն ավելի մանրամասն տեղեկատվություն հաղորդել»,- գրել է փաստաբանը։
Իսկ ավելի վաղ նրա մեկ այլ պաշտպան Գագիկ Խաչիկյանն էր հայտարարությամբ հանդես եկել․«Մոտ 45 տարի իրավապահ կառույցներում ամենաբարձր ղեկավար պաշտոններ զբաղեցրած անձին՝ Աղվան Հովսեփյանին, հնարավոր չի եղել իր ծառայական գործունեության հետ կապված որևէ ապօրինություն մեղսագրել։
Մեղադրանքի կողմը անհաջող փորձ է արել վերջինիս հասուն որդիների կողմից բիզնես գործունեությունը ներկայացնել որպես պարոն Հովսեփյանի հովանավորչության արդյունք։ Գտնվել են երկու «շաքար սիլվա», որոնք ստանձնել են համապատասխան գործիքի դերը և քննությանը մատակակարել անհրաժեշտ դատարկաբնությամբ։ Ձերբակալման որոշումը պաշտպանական կողմը բողոքարկելու է։ Աղվան Հովսեփյանը տրամադրված է մարտական։ Մեղադրանքը, բնականաբար, չի ընդունում։ Համոզված եմ, որ բոլոր պղպջակները արագ պայթելու են»,- նշել է փաստաբանը։
Նշենք նաեւ, որ կալանքի որոշման վերաբերյալ Վերաքննիչում բողոք է ներկայացվել։ Հայաստանում ստալինյան տրոյկայի մոտիվներով ներկայումս Փաշինյան-Գագիկ Ջհանգիրյան եւ վերջինիս խնամի եռանկյունին է ձեւավորվել, ստալինյան այս տրոյկայի որոշումներով է իրականացվում ցանկացած հաշվեհարդար, ցանկացած նախկինի դեմ։ Այս տրոյկան կանգ չի առնում եւ ոչնչի առջեւ, Աղվան Հովսեփյանի դեպքում հաշվի չի առնվում նրա առողջական վատթարագուն վիիճակը։ Իսկ թե ինչու է Գառնիկիչը երեք տարի անց հայտնվել տրոյկայի ուշադրության կենտրոնում մի շարք պատչառներ կարող ենք մատնանշել։

Հիշեցնենք, որ երեք տարի նա որոշ լուրերով իշխանության իրավաբանական խորհրդատուն էր, հրապարակային երեւում էր նաեւ տարբեր միջոցառումներում՝ հեղափոխական պաշտոնյաների կողքին։ Սակայն պատերազմից հետո Աղվան Հովսեփյանը հստակ դիրքավորվեց ընդդիմության ճամբարում՝ ՀՀ երկրորդ նախագահ Ռոբերտ Քոչարյանի կողքին, ընտրություններին էլ պաշտպանեց նրան։ Հաջորդ պատճառը կարող է լինել այս եռանկյունուց մեկի անձնական վրեժխնդրություն, հին հաշիվները, կամ էլ՝ Նիկոլ Փաշինյանին գումար է հարկավոր, բյուջեն դատարկ է, անգամ թոշակների խնդիր է առաջացել եւ սկսել է նախկինների դեմ նոր արշավ իրականացնել, հընթացս իր երբոմնի դաշնակցի նկատմամբ հաշվեհարդարով հնչեղ շոու կապահովի, որով կփորձի ստվերել իր հերթական զիջումները Ադրբեջանին։

Անի Սահակյան