Ոստիկանների հետ քաքշուկն առաջացել է, երբ Արեգ Կյուրեղյանը գրություն է փորձել փոխանցել փաստաբանին

Արդեն տեղեկացրել ենք,որ  Ավան և Նոր Նորք վարչական շրջանների ընդհանուր իրավասության դատարանում միջադեպ առաջացավ ամբաստանյալների և ոստիկանության ծառայողների միջև։ Նիստը հետաձգվելուց հետո փաստաբան Արա Ղարագյոզյանը լրագրողների հետ զրույցում ասաց, որ իր պաշտպանյալ Արեգ Կյուրեղյանը փորձել է գրություն փոխանցել իրեն, ինչն էլ առաջացրել է ոստիկանների զայրույթը։ «Ոստիկանը խլեց, հետո առաջացավ քաշքշուկ ու Արեգ Կյուրեղյանին, Սմբատ Բարսեղյանին, Մխիթար Ավետիսյանին ոստիկանները բռնի ու գործադրելով տարան։ Արեգ Կյուրեղյանին գցեցին գետնին, այնտեղից ձայներ էին գալիս:Ես իմ  պաշտպանյալի հետ իրավունք ունեի գրագրության միջոցով շփվել, հետևաբար ոստիկանների վարքը անհասկանալի է », - ասաց փաստաբանը՝ կասկած հայտնելով, որ նրանց ներսում ծեծում էին։ Փաստաբան Գևորգյանը նկատեց, որ «իշխանությունները ինչ-որ բան են պլանավորել»։ «Դատական քննության այսպիսի նախադեպ երկար տարիներ Հայաստանում չեմ տեսել, երբ դատական դահլիճում կանգնած է 30-35 ոստիկան ու ընդամենը տասը կարգադրիչ։ Կռիվ հրահրելու հրահանգ կար, ինձ թվում է:Ինձ համար անհասկանալի է նախագահող դատավոր Արտուշ Գաբրիելյանի վարքագիծը և հնարավոր է՝ նա չի տիրապետում իրավիճակին», - ասաց փաստաբանը։