Արարատի մարզպետարանը, Սուրենավանի գյուղապետ Կարո Կարապետյանը, մարզի բուժհաստատությունները հերքում են Սուրենավանում օձի խայթոցից 17-ամյա աղջկա մահվան լուրը:
ՀՀ ոստիկանության լրատվական ծառայությունից «Արմենպրես»-ին տեղեկացրեցին, որ նման դեպի վերաբերյալ ահազանգ չեն ստացել: Օձի խայթոցի հետ կապված դեպք տեղի է ունեցել հունիսի 17-ին, սակայն տվյալ անձը հիվանդանոցում բուժօգնություն է ստացել և չի մահացել:
Նման տեղեկատվություն «Արմենպրես»-ին հաղորդեց նաև «Արարատի հիվանդանոց» բժշկական կենտրոնի տնօրեն Արայիկ Սարդարյանը: «Մեր բժշկական կենտրոնն է սպասարկում Սուրենավանն ու շրջակա համայնքը: Մամուլում տեղեկատվությունը շրջանառվելուց հետո դուրս ենք բերել վերջին օրերի դեպքերի ցանկը, նման դեպք չունենք: Վերջերս մեկ դեպք է եղել օձի խայթոցի հետ կապված, մեզ մոտ բերվել է 24-25 տարեկան կին, ով համապատասխան բուժում է ստացել և դուրս գրվել, նա չի մահացել»,-ասաց Արայիկ Սարդարյանը: Օձը խայթել էր տվյալ կնոջ ձախ ոտքը: Արայիկ Սարդարյանը փոխանցեց, որ ընթացիկ տարում օձի խայթոցի 5 դեպք են ունեցել, տուժած անձինք համապատասխան բուժօգնություն ստացել են և դուրս գրվել, որևէ խնդիր չի եղել:
Արտակարգ իրավիճակների նախարարության լրատվական ծառայությունից «Արմենպրես»-ին ևս տեղեկացրեցին, որ Սուրենավան գյուղի դեպքի մասին, որևէ տեղեկություն չունեն: Նման ահազանգ չի ստացվել:
Սուրենավանի դեպքի վերաբերյալ հրապարակված տեղեկատվության մեջ նշվում էր, որ 17-ամյա աղջիկը Արմավիրի մարզից էր: Արմավիրի մարզպետարանի աշխատակազմի առողջապահության և սոցիալական ապահովության վարչությունից մեզ հետ զրույցում ասացին, որ նման դեպքի վերաբերյալ որևէ ահազանգ չունեն:
Արմաշի գյուղապետը, ով դեպքի վերաբերյալ այդ տեղեկատվությունը հաղորդել էր լրատվամիջոցներին, մեզ հետ զրույցում չհաստատեց տեղեկությունը, միայն փոխանցեց. «Այդպես են ասում»:
Արարատի մարզպետարանից էլ պատասխանեցին, որ պատասխանատու բոլոր օղակների հետ զրուցելուց հետո պարզ է դարձել, որ տեղեկությունը չի համապատասխանում իրականությանը:
Հունիսի 22-ին՝ ժամը 14։00-ին, Հայելի ակումբի հյուրն է քաղաքական վերլուծաբան Սուրեն Սուրենյանցը
Հունիսի 22-ին՝ ժամը 13։00-ին, Հայելի ակումբի հյուրն է «Հայ ազգային կոնգրես» կուսակցության փոխնախագահ Լևոն Զուրաբյանը
Հունիսի 22-ին՝ ժամը 12։00-ին, Հայելի ակումբի հյուրն է ԱԺ նախկին նախագահ Նաիրա Զոհրաբյանը
Հունիսի 18-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը
Հունիսի 18-ին՝ ժամը 13։00-ին, Հայելի ակումբի հյուրն է Մանուկ Սուքիասյանը
Հունիսի 18-ին՝ ժամը 12։00-ին, Հայելի ակումբի հյուրն է Ռոբերտ Մարգարյանը
Հունիսի 17-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը
Հունիսի 17-ին՝ ժամը 14։00-ին, Հայելի ակումբի հյուրն է Ռուզան Ստեփանյանը
Հունիսի 17-ին՝ ժամը 12։00-ին, Հայելի ակումբի հյուրն է Անաստաս Իսրայելյանը
Հունիսի 16-ին՝ ժամը 12։00-ին, Հայելի ակումբի հյուրն է Արմինե Ադիբեկյանը
Հետևեք մեզ Viber-ում
