Կիևում ահաբեկչության զոհ է դարձել Հետախուզության գլխավոր վարչության պաշտոնյան

«Ուկրաինսկայա պրավդա» թերթը հայտնել է, որ Կիեւում ավտոմեքենայի պայթեցման հետեւանքով զոհվել է Ուկրաինայի պաշտպանության նախարարության Հետախուզության գլխավոր վարչության հատուկ նշանակության ուժերի ղեկավար Մաքսիմ Շապովալը: Ինչպես նշվում է՝ ավտոմեքենայի ղեկին եղել է Շապովալը, գրում է, որ նա Հետախուզության գլխավոր վարչության պահեստազորի պետն է: Հայտնաբերվել է զոհվածի ծառայողական վկայականը: 112.ua-ի հաղորդմամբ էլ՝ Ուկրաինայի ՆԳ նախարարության հաղորդակցությունների դեպարտամենտի տնօրեն Արտյոմ Շեւչենկոն առայժմ հայտարարել է միայն, որ մեքենայում, որտեղ գործել է պայթուցիկ սարքը, գտնվում էր 1978 թվականին ծնված ուկրաինացի մի զինծառայող: Տեղի ունեցածը որակված է որպես ահաբեկչական գործողություն: