Արևելագետ. Իրանի քաղաքական շահերից է բխում, որ Հայաստանը այս տարածաշրջանում ուժեղ պետություն լինի

«Իրանի քաղաքական շահերից է բխում, որպեսզի Հայաստանը այս տարածաշրջանում լինի ուժեղ պետություն, որպեսզի Հայաստանը դուրս չմնա Իրանի մասնակցությամբ տարածաշրջանային ծրագրերից, որպեսզի Հայաստանը դուրս գա թուրք-ադրբեջանական շրջափակումից։ Իրանն իր քայլերով չեզոքացնում է այն բոլոր ջանքեր, որոնք գործադրվում են տարբեր մակարդակներով  Ադրբեջանի և Թուրքիայի կողմից Հայաստանի մեկուսացման ուղղությամբ։ Իրանը մեզ համար այս հարցում կարևոր դաշնակից է, որն իր քաղաքականությունը կառուցում է ոչ միայն զգացական հարթության վրա, այլև առաջին հերթին իր շահերից ելնելով, իսկ այդ շահերը պահանջում են Հարավային Կովկասում ուժեղ  Հայաստանի, տրանսպորտային միջանցքի դերակատարում ստանձնած և շրջափակումից դուրս եկած Հայաստանի առկայություն», - «Առավոտ»-ին  տված հարցազրույցում նշեց ԵՊՀ իրանագիտության  ամբիոնի վարիչ, արևելագետ Վարդան Ոսկանյանը։