Երբեք չէի մտածի, որ կրկին կասեմ՝ կանգ առեք․ Արթուր Վանեցյան (video)

«Երաշխիք չկա, որ կառավարության ծրագիրը դառնալու իրականություն է, քանի որ գործող իշխանությունը, որն ինչքան ուժ ունի չի հասկանում։  Վախ չունեն միայն նրանք, ովքեր չեն հասկանում, բայց անվախ են մինչեւ առաջին հարվածը։ Այն ինչ այս օրերին կատարվում է Հայաստանում լրագրողների, պատգամավորների, համայնքապետների հետ վախ չունենանալու արդյունք է։ Վախ չունեն, որովհետեւ դեռ երբեք միջազգային ծանր բանաձեւերի, ներպետական ատյանների եւ այլ ծանր գործքների հարվածը չեն ստացել։ Ես երբեք չէի մտածի, որ կրկին կասեմ՝ կանգ առեք։ Ասում եմ, որովհետեւ իշխանությունը կրկին երկիրը տանում է մի նոր ու վտանգավոր ծուղակ։ Գուցե ձեզ վստահություն է տալիս անընդհատ ասելը, որ ժողովուրդը մեզ ընտրել է, մեզ ներել է, մեզ սիում է, բայց դա մեծ ծուղակ է»,-Ազգային ժողովում հայտարարեց «Պատիվ ունեմ» խմբակցության ղեկավար Արթուր Վանեցյանը։

« նոյեմբերի տասից հետո երկրում չեն եղել խորքային քննարկումներ տեղի ունեցածի ծավալների վերաբերյալ։ Ասում ենք 44-օրյա պատերազմ, կարծես 45-րդ օրը կյանքը վերականգնվել է։ Մեր երկրում տեղի են ունեցել պատմական, աղետալի փոփոխություններ, եւ եկել են նոր, սուր մարտահրավերներ ու դրանց դիմակայելու համար անհրաժեշտ է հասկանալ կատարվածի մասշտաբները, սառը հաշվարկել առաջիկա ռիսկերը, գրագետ քայլերով գնալ դեպի ջարդված պետականության վերականգնումը։ Մնացածը ժամավաճառություն է, ինչն էլ հենց կազմում է այս ծրագրի մեծ մասը»,- ասաց Արթուր Վանեցյանը։