Ավտովթարից տուժած զինվորները շարունակում են բուժում ստանալ․ երկուսին հավանաբար կվիրահատեն. Armtimes.com

«Armtimes.com»-ը գրում է. Պաշտպանության նախարարության կողաշրջված ավտոբուսից տուժածների կյանքին վտանգ չի սպառնում, սակայն նրանք դեռևս կշարունակեն բուժում ստանալ հոսպիտալներում։ Այս պահին ութ զինծառայող գտնվում է Երևանի Կենտրոնական կլինիկական զինվորական հոսպիտալում, չորսը՝ Վարդենիսի զինվորական հոսպիտալում։ ՊՆ բուժծառայության վարչության պետ Կամավոր Խաչատրյանն «armtimes.com»-ին տեղեկացրեց, որ զինծառայողների վիճակը գնահատվում է նորմալ։ «Հատուկ ինչ որ ծանրացնող իրավիճակ չկա, հավանաբար երկու հոգու կարիք կլինի վիրահատել, մեկը սրունքի կոտրվածք ունի, հիմա ձգում է դրված, մյուսի մոտ էլ գլխում մի փոքրիկ տեղ ոսկրերի կոտրվածք կա, չնայած այն իրենից ոչինչ չի ներկայացնում, բայց, որպեսզի հետագայում խնդիրներ, գլխացավեր չլինեն, կվիրահատենք։ Ընդհանուր առմամբ, մնացածի վիճակը նորմալ է, ոչ մեկի կյանքին այս պահի դրությամբ վտանգ չի սպառնում, լրիվ նորմալ վիճակում են»,-վստահեցրեց Խաչատրյանը։ Մանրամասները՝ այստեղ.