Անվտանգային միջոցառումներ չեն իրականացվել, Ադրբեջանն էլ սահմանին իրեն նման լկտի ձեւով է դրսեւորում․ Աբրահամյան (video)
Անվտանգային միջոցառումներ չեն իրականացվել, Ադրբեջանն էլ սահմանին իրեն նման լկտի ձեւով է դրսեւորում: Այս մասին այսօր՝ օգոստոսի 17-ին, Ազգային ժողովում՝ լրագրողների հետ զրույցում ասաց «Պատիվ ունեմ» խմբակցության պատգամավոր Տիգրան Աբրահամյանը։
«Պետք է արձանագրենք, որ մեր սահմանների շուրջ ստեղծված իրավիճակը պայմանավորված է նաեւ նրանով, որ նոյեմբերի 9-ից հետո մեր անվտանգային համարակարգի վերականգնման ուղղությամբ հրատապ միջոցառումներ չեն իրականացվել, ինչից օգտվելով Ադրբեջանը տարբեր կոշտ հայտարարություններ է անում եւ սահմանին իրեն նման լկտի ձեւով է դրսեւորում։ ԶՈՒ բարեփոխումները, մարտունակության վերականգնումը, վերախմբավորումները, անվտանգության համակարգի բարեփոխումները միակ գործոններ են, որոնք հնարավորություն են տալու Հայաստանին եւ Արցախին առավել ամուր դիրքավորվելու բանակցակային գործընթացում՝ որ ուղղությամբ էլ որ գնա պրոցեսը։ Առաջնային է, որ Արցախին եւ Հայաստանին վերաբերող բոլոր հարցերը քննարկվեն եւ ներկայացվեն մեկ փաթեթով, որտեղ լուծումները չեն վնասի Արցախին եւ Հայաստանին»,- ասաց նա։
Հետևեք մեզ Viber-ում
