Արցախը վերջնականապես հանձնելու գործընթացը մեկնարկեց

Օգոստոսի 5-ին, ՀՀ Առաջին նախագահ Լևոն Տեր-Պետրոսյանն իր առանձնատանը հյուրընկալել է Արցախի հանրապետության նախագահ Արայիկ Հարությունյանին: Այս մասին տեղեկացնում է ՀԱԿ խոսնակ Արման Մուսինյանը։
«Շուրջ մեկուկես ժամ տևած զրույցի ընթացքում շոշափվել են Արցախում հրատապ լուծումներ պահանջող սոցիալական բնույթի, բնակարանաշինության, աշխատատեղերի ստեղծման, Հայաստանում ապաստանած արցախցիների վերադարձի, Հայաստանի կողմից նշված հարցերում կատարվող և անհրաժեշտ այլ աջակցությանն առնչվող հարցեր»,- իր գրառման մեջ նշել է Մուսինյանը:

Լևոն Տեր-Պետրոսյանի դիրքորոշումը Արցախի մասին հայտնի է ու այն ամփոփվում է «Լավ չես ապրելու, Սերգո ջան, քանի դեռ Ղարաբաղի հարցը չի լուծվել» թևավոր դարձած խոսքով։
Արցախի ազատագրված շրջաններն իր հոգեզավակի ձեռամբ թուրքին հանձնելուց հետո ինչպես երեւում է առաջին նախագահը արդե թեթեւացած շունչ քաշելով անցել է արախցիների «լավ ապրելու» խնդրին եւ հանդիպել ոչ պակաս ազգակործան պատուհասի, քան իր բնորոշմամբ Նիկոլ Փաշինյանն է: Որ տարածված հաղորդագրության բովանդակությունից ամեն բան պարզ է Տեր-Պետրոսյանի մասով եւ պարզ էր իզկզբանե, որ նրան Արցախի ոչ անվտանգություն, ոչ կարգավիճակ է հետաքրքրում, հիմա ամեն ինչ անելու է, որ իր ապազգային թեզի շարունակությունը կյաքի կոչվի, սկիզբ դրվի հայ-ադրբեջանական եւ հայ-թուրքական քիրվայության, արցախցիները համակերպվեն թուրքի լծի տակ, թուրքի հետտ ապրելու: Իսկ խաղաղ համակեցությունը հետագայում կնշանակի 2.5 հազար մնացյալ Արցախն էլ ճանաչել Ադրբեջանի կազմում եւ ձեռքերը վերջնականապես լվանալ Արցախից:
Այսօր ցանկացած արցախցու հետ զրույցի կարելի է հասկանալ, որ բնակարանային, սոցիալական խնդիրներից առավել իրենց համար անվտանգային հարցն է առաջնային, իրենք գիշերերը կիսաբաց աչքերով են լուսացնում՝ ամեն պահի սպասելով վերահաս սադրանքների, նոր սպառնալիքների, ու օրախնդիր է Արցախի անվտանգության ու կարգավիճակի հարցը: Բայց Արցախի ու Հայաստանի հողատու իշխանությունները ինչպես երեւում է գրողի ծոցն են ուղարկելու դա եւ հիմա դաշնակիցներ են փնտրում Արցախի մնացած հատվածն էլ թուրքացնելու հարցում:

Արձանագրենք, որ Տեր-Պետրոսյանը Նիկոլ Փաշինյանին այլեւս չի համարում ազգակործան պատուհաս, հակառակ պարագայում նա կմերժեր Փաշինյանի դաշնակցին, ով պատերազմի առաջին իսկ օրից մասնակցել է ստի հաղթարշավին՝ հայտարարել, որ ամեն ինչ լավ է, հաղթում ենք, անգամ հոլիվուդյան ժպիտով լուսանկարներով էր փորձում սուտը համոզիչ դարձնել: Կատարել է Փաշինյանի ու Աննա Հակոբյանի բոլոր հրահանգները, մարտական բունկերում ա8գելել ռազմական գործի գիտակների մուտքը, մասնակցել է Շուշիի եւ Հադրութի հանձնելու դավադիր գործընթացին, կարճ ասած՝ Նիկոլ Փաշինյանի «քոփի պաստն» է, իհարկե, պատերազմից հետո մի կարճ ժամանակով դավաճանեց Փաշինյանին՝ թերեւս առնելով իշխանափոխության հոտը եւ պատերազմի կեղտերից մի պատառիկ ջրի երես հանեց՝ տարածելով հայտնի հեռախոսազրույցը, որում դժգոհում էր, թե Փաշինյանը զորք ու սպառազինություն չի ուղարկում Արցախ, բայց վախը տեղում բռնեցին եւ վերադարձավ դավաճանին ծառայելու իր առաքելությանը:

Անի Սահակյան